Qazaqstandaǵy apattyq jaǵdaıdaǵy turǵyn úıler sany ósip, halyqtyń qaýipsizdigi men turmys sapasyna táýekelder artyp otyr. 2025 jyly elimizde apattyq úıler sany 7%-ǵa ósip, 2,6 myń birlikke jetti, al olardyń jalpy aýdany 3,2%-ǵa ulǵaıyp, 834 myń sharshy metrdi qurady. Bul úılerde 50 myńnan astam adam turyp, ótken jylmen salystyrǵanda 5,7%-ǵa kóp, dep habarlaıdy Egemen.kz.
О́ńirler boıynsha ahýal árkelki. Atyraý oblysy apattyq úıler sany boıynsha kósh sońynda tur, munda 705 nysan bar. Onda 13 myńnan astam turǵyn ómir súrip jatyr. Bir jyl ishinde oblystaǵy apatty úıler 49 birlikke artqan, bul eldegi eń nashar dınamıkalardyń biri. Aqmola oblysynda 270 apattyq turǵyn úı tirkelgen, Batys Qazaqstan oblysynda – 262 úı, onyń ishinde bir jylda 55 birlikke ósken eń joǵary ósim baıqalady. Astana qalasy (191) men Abaı oblysynda da (191) apatty úıler sany kóp.
Eń az apatty úıler Jambyl (4), Qostanaı (8) jáne Almaty (16) oblystarynda tirkelgenimen, bul statıstıkalyq derekter naqty jaǵdaıdy tolyq kórsetpeıdi. Mysaly, Almaty qalasynda resmı málimetterge sáıkes apattyq úıler «joq», biraq megapolıste 2020 jylǵa deıin 1,7 myńnan astam apatty úı tirkelgen edi.
Astanada apatty úılerden 4 200 adam kóshiriledi
Qalyptasqan dınamıka ekiudaı kórinis kórsetedi. Bir jaǵynan, apatty úılerdiń sanynyń ósýi turǵyn úı qorynyń tozǵanyn bildiredi, ekinshi jaǵynan, bul kórsetkish tekserý jumystarynyń jandanýyn jáne úılerdi resmı apatty dep tanýdy kórsetedi. Apattyq mártebesi berilgende ǵana renovasııa men kóshirý baǵdarlamalary iske qosylady, azamattardyń qaýipsizdik deńgeıi men turǵyn úı jaǵdaıy jaqsarady.
Jalpy alǵanda, Qazaqstandaǵy apattyq jaǵdaıdaǵy úıler kúrdeli másele. Búgingi basty mindet – úılerdi tek tirkep qoımaı, buzyp, jańa turǵyn úı qoryn salý jáne azamattardy qaýipsiz jerge kóshirý. Keshendi sharalar ǵana halyqqa qaýipterdi azaıtýǵa jáne turǵyn úı jaǵdaıyn shynaıy jaqsartýǵa múmkindik beredi.
Atyraýda apatty úıler turǵyndary jańa baspana aldy