Qazaqstan energetıkteri jańa Konstıtýsııa jobasyn qoldaıdy

Adam kapıtaly – basty qundylyq

Búginde Qazaqstannyń energetıka salasy – 100 myńnan astam adam eńbek etetin alpaýyt óndiristik keshen. Talqylaý 1-MAES pen «Almaty elektr stansalarynan» bastap, «Atyraý Jaryq» pen «Ortalyq-Azııa Elektroenergetıkalyq Korporasııasynyń» enshiles kompanııalaryna deıingi elimizdiń barlyq óńirindegi iri kásiporyn ujymdaryn biriktirdi. Kez­de­sýge elimizdiń ár aımaǵyndaǵy ener­ge­­tıkalyq kásiporyndardyń ujym­dary beınebaılanys arqyly qosyldy.

Jıyndy ashqan Májilis depýtaty Dúısenbaı Turǵanov: «Jańa Konstıtýsııa jobasynda alǵash ret joǵary ekolo­gııa­lyq mádenıetti qalyptastyrý mem­lekettiń irgeli qaǵıdaty retinde beki­tildi. Qorshaǵan ortany qorǵaý máse­le­si adam quqyqtaryn qorǵaýmen teń deńgeıge kóterildi. Qujatta jer men onyń qoınaýy, sý kózderi, ósimdikter men janýarlar dúnıesi, sondaı-aq ózge de tabıǵı resýrs-tar halyqqa tıesili ekeni taıǵa tańba basqandaı jazylǵan. Bul jaı ǵana sóz emes – bárimizge júktelgen jaýap­kershilik pen ortaq baǵdar», dep atap ótti.

Májilis depýtaty Vera Kım óz sózinde reformanyń gýmanıtarlyq baǵyttaryna nazar aýdardy. «Qujatta basty nazar adamǵa baǵyttalǵan. Adam – elimizdiń eń basty qundylyǵy. Qazirgi tańda negizgi basymdyq adam kapıtalyn damytýǵa, bilim men ǵylymǵa, jańa tehnologııalar men sıfrlandyrýdy ilgeriletýge berilip otyr. Biz úshin adam – memleketimizdiń eń úlken baılyǵy», dedi depýtat.

Jıynda Qazaqstan Elektroener­ge­tıkalyq qaýymdastyǵy dırektorlar keńesiniń tóraǵasy Baǵdat Oral ener­getıkterdiń azamattyq ustanymyn bildirdi. «Jańa Negizgi zań jobasy – mem­leket damýynyń bolashaq baǵytyn aı­qyndaıtyn tarıhı qujat. Biz energetıkter retinde de, el azamaty retinde de bul bastamany qoldaımyz jáne elde jú­zege asyp jatqan ózgeristerdiń mańy­zyn jaqsy túsinemiz», dedi ol. 

Eńbek adamynyń konstıtýsııalyq mártebesi

Kezdesý barysynda qatysýshylar erekshe qoldaǵan jańalyqtardyń biri Konstıtýsııada eńbek adamynyń márte­besin bekitý boldy. Tarıhta alǵash ret eńbek­qorlyq pen kásibılik qundy­lyq­tary memlekettik damýdyń negizgi qaǵıdattarynyń qataryna engizilip otyr.

Qazaqstan Elektroenergetıkalyq qaýymdastyǵy basqarma tóraǵasy Talǵat Temirhanov bul ózgeristerdiń áleýmettik ádilettilik turǵysyndaǵy mańyzyn atap ótti. «Eńbek adamy, jumysshy maman­­dyqtarynyń ókilderi memleket qun­dy­lyqtarynyń negizgi deńgeıine kóte­ri­­lip otyr. Konstıtýsııa jobasynda eńbekqorlyq qundylyǵy memlekettik damý­dyń basty qaǵıdattarynyń biri retinde bekitilgen. Bul eńbek, kásibılik jáne jasampazdyq qyzmettiń konstıtý­sııa­lyq deńgeıde moıyndalyp, qurmet­te­letinin bildiredi», dedi ol.

Bul pikirdi óndiris alańdaryndaǵy mamandar da qoldady. «Atyraý Jaryq» AQ qalalyq elektr jelilerin taratýshy kompanııasynyń bas ınjeneri Nurjan Jumabaevtyń aıtýynsha, jańartylǵan zań ádildikke degen senimdi nyǵaıtady.

«Konstıtýsııa – jaı ǵana zańdar jıyntyǵy emes, qujatta qarapaıym ha­lyq­tyń múddesine, quqyqtaryn qorǵaý­ǵa jáne kúndelikti ómirine basa nazar aýdarylǵan. Buryn sheshimderdi tek bılik qurylymdary qabyldasa, endi mańyzdy máselelerdi halyq memleketpen birlesip sheshetini biz úshin óte mańyzdy. Sony­men qatar Konstıtýsııanyń ha­lyq­aralyq sharttardan basymdyǵy bizdiń táýel­sizdigimizdi aıqyndap, qazaq­stan­dyq­tardyń múddesin birinshi orynǵa qoıady», dep atap ótti kompanııa qyzmet­keri.

Ekologııalyq jaýapkershilik

Energetıka salasy úshin ekologııa jáne tabıǵı resýrstardy utymdy paıdalaný máseleleri óndiristik qyzmetpen tikeleı baılanysty. Jańa Konstıtýsııa jobasynda jer qoınaýynyń halyqqa tıesili ekeni aıqyn kórsetilip, ulttyq baılyqqa degen jaýapkershiliktiń jańa kózqarasy qalyptasady.

Osy taqyrypty jalǵastyrǵan «Orta­lyq-Azııa Elektroenergetıkalyq Korpo­rasııasy» AQ qyzmetkeri Sholpan Elýbaeva bul normalardyń salalyq deńgeıde iske asyrylýyna toqtaldy.

«Konstıtýsııa jobasyndaǵy 37-bap ár azamattyń qolaıly qorshaǵan ortada ómir súrý quqyǵyn bekitedi. Bul mem­leket pen qoǵam arasyndaǵy ózara is-qımyldy kúsheıtedi. «OAEK» toby qorshaǵan ortaǵa áserdi azaıtýǵa baǵyttalǵan tabıǵatty qorǵaý sharalaryn qazirdiń ózinde júzege asyryp keledi. Sonymen qatar Energetıka mınıstrligi jáne Qazaqstan Elektro­energetıkalyq Qaýym­das­tyǵymen júrgizilgen dıalog aıasynda biz Ulttyq jańǵyrtý jobasyna kómir gene­rasııasyn dekarbonızasııalaý strategııasyn engizýdi usyndyq. Bul – tómen kómirtekti ekonomıkaǵa jasalǵan naqty qadam jáne ol endi konstıtýsııa-lyq tirekke ıe bolady», dep atap ótti spıker.

Tańdaý jasaıtyn ýaqyt

Qazaqstan energetıkteri óz ustany-myn aıqyn bildirdi. Negizgi zańdaǵy jańartylǵan normalar – zaman talabyna berilgen jaýap. Olar tek óndiristik mindetterdi sheshýge emes, sonymen qatar ulttyq  aýqymdaǵy stra­tegııalyq maq­sat­tar­ǵa qol jetkizýge jáne ár azamattyń ómir sapasyn artty­rýǵa múmkindik beredi.

Kezdesýge qatysýshylar áriptesterin aza­mattyq belsendilik tanytyp, 15 naý-ryz kúni ótetin jalpyhalyqtyq daýys berýge qatysýǵa shaqyrdy. О́ıtkeni búgingi árbir daýys – ortaq úıimizdiń jarqyn ári turaqty bolashaǵyna qosylǵan úles.