Iran Syrtqy ister mınıstrligi eldiń jańa joǵarǵy rýhanı jetekshisi Modjtaba Hameneı jaralanǵany týraly aqparatty rastady. Bul týraly vedomstvonyń resmı ókili Esmaıl Bagaı málimdedi. Onyń aıtýynsha, aıatollanyń ómirine qazirgi kezde qaýip joq, dep jazady Egemen.kz.
Mınıstrlik ókili Modjtaba Hameneı jaralanǵanyn rastaǵanymen, onyń jaǵdaıy turaqty ekenin jetkizdi.
Aıta keteıik, Modjtaba Hameneı 8 naýryz kúni Irannyń joǵarǵy rýhanı jetekshisi qyzmetine saılanǵan edi. Ol eldegi eń joǵary saıası jáne dinı bılik ıesi sanalady. Bul qyzmet Irannyń memlekettik qurylymynda sheshýshi ról atqarady. Joǵarǵy jetekshi qarýly kúshterdiń bas qolbasshysy retinde de tanylǵan.
Pýtın AQSh-tyń Irandaǵy operasııasyna tańdanys bildirdi
Buǵan deıin amerıkalyq New York Times basylymy ırandyq resmı tulǵalarǵa silteme jasap, jańa jetekshiniń jaralanǵanyn habarlaǵan. Gazet deregine qaraǵanda, Modjtaba Hameneı Izraıl men AQSh tarapynan jasalǵan shabýyldyń alǵashqy kúninde jaraqat alǵan.
Aqparat kózderi onyń qaýipsizdik sharalary kúsheıtilgen aımaqta bolǵanyn jáne shabýyl kezinde jaralanǵanyn aıtady. Degenmen naqty qandaı jaǵdaıda jaraqat alǵany týraly resmı málimet tolyq jarııalanǵan joq.
Ázerbaıjan Iranǵa gýmanıtarlyq kómek jiberdi
Sarapshylardyń pikirinshe, bul jaǵdaı Taıaý Shyǵystaǵy ahýaldyń kúrdelene túskenin kórsetedi. Sońǵy kúnderi aımaqtaǵy áskerı jáne saıası shıelenis kúsheıip, birneshe eldiń qatysýymen jańa geosaıası teketires belgileri baıqala bastady.
Iran bıligi ázirge oqıǵaǵa qatysty tolyq málimet taratqan joq. Alaıda resmı tulǵalardyń aıtýynsha, eldegi basqarý júıesiniń turaqtylyǵyna qaýip joq jáne joǵarǵy jetekshiniń jaǵdaıy baqylaýda.
Tramp Iran quramasynyń Álem chempıonatyna qatysýyn orynsyz dep baǵalady