Aqtóbe oblysynyń ákimi Ashat Shaharov Uzaqbaı Qulymbetov atyndaǵy №64 mektepte ornalasqan №541 referendým ýchaskesine kelip, óz tańdaýyn jasady. Daýys bergennen keıńn óńir basshysy jańa Konstıtýsııa jobasy boıynsha ótkizilip jatqan referendýmnyń el ómirindegi mańyzdylyǵyn atap ótti, dep habarlaıdy Egemen.kz.
«Búgin men referendým ýchaskesine kelip, elimizdiń jarqyn bolashaǵy úshin óz tańdaýymdy jasadym. Bul – tek bizdiń quqyǵymyz ǵana emes, árbir azamattyń Otan aldyndaǵy mindeti. Konstıtýsııa – Táýelsiz Qazaqstannyń basty qujaty, memleketimizdiń berik negizi», deı kelip Ashat Shaharov elimizdiń baı-qýatty bolýy úshin jurtylyqty jumyla qyzmet etýge shaqyrdy.
Almaty oblysynyń ákimi referendýmda óz tańdaýyn jasady
О́ńir basshysynyń aıtýynsha, memleketimizdiń baǵdary ashyq jáne aıqyn: ár azamattyń jeke quqyǵy qorǵalatyn, ekonomıkasy jáne halqynyń ál-aýqaty joǵary memlekettiń tuǵyryn bekitý. Sondaı-aq ol Aqtóbe oblysynda referendýmdy ótkizý úshin qajetti jaǵdaı jasalǵanyn atap ótti. О́ńirdegi 528 daýys berý ýchaskesi barlyq jabdyqtarmen qamtamasyz etilip, birneshe daýys berý kabınalary jasaqtalǵan.
Astana ákimi referendýmda daýys berdi
Búgin Qazaqstan boıynsha Jańa Konstıtýsııa jobasyna qatysty respýblıkalyq referendým ótip jatyr. Kámelet jasyna tolǵan árbir azamat óz tańdaýyn jasaýǵa erikti.