Elimizdiń tuńǵysh prezıdenti Nursultan Nazarbaev jańa Konstıtýsııany qabyldaýǵa qatysty respýblıkalyq referendýmda daýys berdi. Ol tańdaýyn elordadaǵy «Astana Opera» teatry aýmaǵynda ornalasqan ýchaskede jasady, dep jazady Egemen.kz.
Aıta keteıik, el kóleminde referendým 2026 jylǵy 15 naýryzda ótip jatyr. Daýys berý ýchaskeleri azamattar úshin tańǵy saǵat 07:00-de ashylyp, keshki 20:00-ge deıin jumys isteıdi, al jekelegen aýmaqtyq komıssııalar qajet bolǵan jaǵdaıda ýaqyt tártibin yńǵaıǵa qaraı belgileı alady.
Bıylǵy jalpyhalyqtyq daýys berýge bir ǵana suraq shyǵaryldy: «Buqaralyq aqparat quraldarynda 2026 jylǵy 12 aqpanda jarııalanǵan jobasy boıynsha Qazaqstan Respýblıkasynyń jańa Konstıtýsııasyn qabyldaısyz ba?» degen saýalǵa azamattar óz ustanymyn bildiredi.
Referendým 2026 jylǵy 15 naýryzǵa Prezıdent Jarlyǵymen belgilengen.
Eske salaı keteıik, birinshi prezıdent budan eki jyl burynǵy AES qurylysy boıynsha referendýmda da tańdaýyn jasaǵan bolatyn.