El boıynsha respýblıkalyq referendým jalǵasyp jatyr.Referendým aıasynda jumys istep jatqan myńdaǵan daýys berý ýchaskelerinde belsendilik tómendegen joq. О́zderiniń azamattyq boryshyn uzaq jasaǵan qarııalar, Uly Otan soǵysy men eńbek ardagerleri de oryndap jatyr, jatyr dep jazady Egemen.kz.
Máselen, Jetisý oblysynda 105 jastaǵy Naǵıman Shalbaeva daýys berý ýchaskesine kelip, óz daýysyn bergen. Ol qurmetti jasyna qaramastan daýys berý ýchaskesine kelip, referendýmǵa qatysýdy jón kórgen. Naǵıman apa – 36 nemeresi, 103 shóberesi men 13 shópshegi bar úlken áýlettiń anasy.
Al Almaty qalasynda referendýmǵa bıyl 101 jasqa tolatyn uzaq jasaǵan áje Kamılıa Kosýmaeva qatysqan. Ol Naýryzbaı aýdanyndaǵy ýchaskege óziniń shóberesimen birge keldi. Kámılá áje Uly Otan soǵysy jyldary tylda ter tókken eńbek ardageri. Onyń aıtýynsha, ol el ómirindegi mańyzdy oqıǵalardyń barlyǵyna qatysýǵa tyrysady eken.
«Men árqashan daýys berýge kelýge tyrysamyn. Ár adam qatysyp, óz tańdaýyn jasaýy kerek dep oılaımyn», dedi ol.
Uzaq jasaǵan ájeniń ýchaskege kelýi qatysýshylardyń jyly yqylasyn týdyryp, komıssııa músheleri men turǵyndar eńbek ardagerine belsendi azamattyq ustanymy úshin alǵys bildirdi.
Almaty oblysynyń turǵyndary referendým ýchaskesine mýltfılm keıipkerleriniń beınesinde keldi
Referendýmǵa Uly Otan soǵysynyń ardagerleri de qatysyp jatyr. Almaty oblysynyń Uzynaǵash aýylynda turatyn ardager Fedor Kovalev óz tańdaýyn úıinde jasady. Fedor Emelıanovıch 1927 jylǵy 11 qarashada Mogılev oblysynyń Orlovka aýylynda dúnıege kelgen. 1944 jyly ásker qataryna shaqyrylyp, 1945 jyly keńes-japon soǵysyna qatysqan. Kórsetken erligi men batyrlyǵy úshin ardager II dárejeli ordenmen jáne jeńistiń mereıtoılyq medaldarymen marapattalǵan.
Uıǵyr aýdanynyń Bahar aýylyndaǵy №921 saılaý ýchaskesine 103 jastaǵy Uly Otan soǵysynyń ardageri Álim Kebırov ózi kelip daýys berdi. Ol jasyna qaramastan jańalyqtardy qadaǵalap, belsendi azamattyq ustanymyn únemi bildirýge tyrysady eken.
Atyraýlyq ájeler referendým ýchaskesine aq kımeshekpen keldi
Sondaı-aq, daýys berýge Uly Otan soǵysy jáne ishki ister organdarynyń 102 jastaǵy ardageri Qurmat Rahımov te qatysty. Ol óz tańdaýyn úıinde jasady. Jaqyndarynyń aıtýynsha, maıdanger árdaıym saılaýǵa qatysyp kelgen jáne mundaı kúnderi beıjaı qalmaý mańyzdy dep sanaıdy.
Almaty qalasynyń Medeý aýdanyndaǵy №403 ýchaskesinde bıyl 100 jasqa tolatyn Uly Otan soǵysynyń ardageri Vasılıı Dolbnıa daýys berdi. Jaqyndarynyń súıemeldeýimen ýchaskege kelgen ardagerdi komıssııa músheleri erekshe qurmetpen qarsy alyp, belsendi azamattyq ustanymy úshin alǵys aıtty.
Qyzylorda oblysynda Syrdarııa aýdanynda turatyn soǵys ardageri Iаhııa Tasyrov óz ýchaskesine alǵashqylardyń biri bolyp keldi. Maıdanger bul kúnniń mańyzyn atap ótip, komıssııa múshelerine batasyn berdi.
Almaty oblysy Eńbekshiqazaq aýdanynyń Alǵa aýylynda turatyn Uly Otan soǵysynyń jáne ishki ister organdarynyń 102 jastaǵy ardageri Soltanbaı Jaryqbasov ta daýys berýge qatysty. Ol ýchaskege 15 jastaǵy shóberesimen birge keldi. Ardager eshqashan saılaý men referendýmdardy ótkizip almaýǵa tyrysatynyn aıtyp, eldiń bolashaǵy men jas urpaq úshin óz tańdaýyn jasaý mańyzdy ekenine nazar aýdardy.
Almaty oblysynda bir kósheniń turǵyndary túgel tańdaý jasady
Sonymen qatar, Talǵar qalasyndaǵy ýchaskelerdiń birinde eńbek ardageri Nurkamal Ekibaeva daýys berdi. Ol uzaq jyldar óndiriste eńbek etip, qoǵamdyq ómirge belsendi aralasqan, sondaı-aq jıyrma jyldan astam ýaqyt soǵys jáne eńbek ardagerleri horynda óner kórsetken.
Osylaısha, referendýmǵa qazaqstandyqtardyń ártúrli býyn ókilderi qatysyp jatyr.