Qazaqstanda ótip jatqan respýblıkalyq referendýmdy halyqaralyq baıqaýshylar ashyq ári joǵary deńgeıde uıymdastyrylǵan mańyzdy saıası oqıǵa retinde baǵalady, dep habarlaıdy Egemen.kz.
Respýblıkalyq referendýmǵa daıyndyq pen ony ótkizý barysyn baqylaý týraly aıta kele, Belarýs Respýblıkasy Ulttyq jınalysy Keńesiniń halyqaralyq ister jáne ulttyq qaýipsizdik jónindegi turaqty komıssııasynyń múshesi Aleksandr Goroshkın aýqymdy jumys atqarylǵanyn atap ótti.
«Sizdiń memleketińizdiń árbir azamaty óz pikirin bildirýge múmkindik aldy. Búgin tańerteńnen bastap Astana men óńirlerdegi ýchaskelerde bolyp, Qazaqstan halqy Konstıtýsııa qabyldaýmen kelisetinin nemese kelispeıtinin bildirýge, ıaǵnı óz oıyn aıtýǵa tolyq múmkindigi bar ekenine kóz jetkizdik», dedi Aleksandr Goroshkın Halyqaralyq baıqaýshylarǵa qolǵabys kórsetý ortalyǵynda ótken baspasóz konferensııasynda.О́z kezeginde Reseı Federasııasynyń Qorǵanys jónindegi Federaldy Jınalysynyń Memlekettik Dýmasy komıtetiniń tóraǵasy Andreı Kartapolov referendýmnyń ótýimen quttyqtady.
El azamattarynyń 70,98 paıyzy referendýmda daýys berdi
«Biz adamdardyń óz erkimen kelgenin kórdik. Olardy eshkim jibergen joq. Olar júrek qalaýymen keldi», dedi spıker.Sonymen qatar Ujymdyq qaýipsizdik týraly shart uıymy Parlamenttik assambleıasynyń baıqaýshysy óńirlerde adamdardyń daýys berýi sál ózgeshe ótetinin aıtty.
«Olar merekelik kóńil kúımen daýys beredi. Biz birneshe ýchaskede boldyq. Biz barǵan árbir ýchaskede ýchaskelik saılaý komıssııasynyń músheleri ulttyq kıim kıgen. Barlyq jerde mýzyka oınap, túrli ansamblder óner kórsetip jatty. Iаǵnı daýys berýge kelgen adam óz bolashaǵy úshin daýys berip jatqanyn, eldiń damýy úshin óz tańdaýyn jasap jatqanyn túsinýi úshin barlyq jaǵdaı jasalǵan», dedi Andreı Kartapolov. IIM resmı ókili: Referendým barysynda qoǵamdyq tártipti buzý faktileri tirkelgen joqSondaı-aq spıker UQShU PA baıqaýshylary tarapynan eshqandaı zań buzýshylyqtar tirkelmegenin aıtty.