Respýblıkalyq referendým aıasynda uıymdastyrylǵan «Referendým – 2026» onlaın marafony barlyq saladan sarapshylar men mamandardyń basyn qosyp, erkin pikir almasýyna múmkindik jasaǵan alań boldy, dep habarlaıdy Egemen.kz.
Innovasııa alańynda otandyq ónertapqyshtardyń jańa tehnologııalyq jobalary tanystyryldy. Sonyń biri – jasandy ıntellekt negizinde qazaq tilindegi avtomatty sýrdoaýdarmanyń jańa modelin ázirlegen Nurzada Amangeldiniń jobasy. Bul tehnologııa estý qabileti shekteýli azamattardyń aqparatqa qoljetimdiligin arttyrýǵa baǵyttalǵan.
Al, jas ǵalym Aıbek Nıetqalıev − ınsýlt saldarynan qozǵalý qabileti shektelgen adamdarǵa arnalǵan ekzoskelet qurylǵysyn tanystyrdy. Bul tehnologııa qol-aıaq qımyly shektelgen azamattardyń qaıta qozǵalýyna kómektesip, olardy kúndelikti ómirge beıimdelýge baǵyttalǵan.
Referendýmda daýys bergender sany 9 mıllıonnan asty
Innovasııalyq jobalardyń qatarynda kenshilerdiń qaýipsizdigin kúsheıtýge arnalǵan «Mainsafe» smart-qolǵaby da usynyldy. Qurylǵy shahta jaǵdaıynda jumys isteıtin mamandardyń qozǵalysyn baqylaýǵa, qaýipti jaǵdaılardy der kezinde anyqtaýǵa jáne óndiristik qaýipsizdikti kúsheıtýge múmkindik beredi. Mundaı tehnologııalar taý-ken óndirisindegi eńbek qaýipsizdigin arttyrýda mańyzdy ról atqarady.
Onlaın marafonǵa qonaq retinde «Tomırıs» arnaıy jasaǵynyń ókilderi qatysyp, halyqaralyq jarystardaǵy tájirıbelerimen bólisti. Aıta ketý kerek, bul jasaq UAE SWAT Challenge halyqaralyq týrnırinde áıelder komandalary arasynda joǵary nátıje kórsetken.
Túrkııada bilim alyp jatqan qazaq jastary referendýmǵa belsendi qatysty
Marafonnyń dıskýssııa alańynda qoǵam úshin ózekti taqyryptar talqylandy. Sonyń biri – «Kıbersport – sport pa, táýeldilik pe?» máselesi. Búginde kıbersport pen geımıng jas býynnyń basty qyzyǵýshylyqtarynyń birine aınalyp otyr.
«Qazsportınvest» AQ janyndaǵy «Bolashaq oıyndary» týrnırin uıymdastyrý jáne ótkizý jónindegi dıreksııanyń sporttyq oıyndar bóliminiń basshysy Erjan Shakeev kıbersport ındýstrııasynyń damý perspektıvalaryna toqtalyp, búgingi tańda kıbersport tek oıyn emes, kásibı daıyndyqty, strategııalyq oılaýdy jáne komandalyq úılesimdi talap etetin jańa baǵytqa aınalyp kele jatqanyn atap ótti. Onyń aıtýynsha, jastardyń bul salamen durys ári jaýapkershilik pen aınalysýyna jaǵdaı jasaý mańyzdy.
Sonymen qatar marafon barysynda «Patrıotızmdi qalaı ólsheımiz?» taqyrybynda pikirtalas ótti. Dıskýssııa barysynda elge degen súıispenshilik pen azamattyq jaýapkershiliktiń qazirgi qoǵamdaǵy mańyzy, patrıotızmdi qalyptastyrý joldary jáne onyń kúndelikti ómirdegi kórinisi talqylandy.
Parlament Senatynyń depýtaty Bıbigúl Jeksenbaı Qazaqstannyń kók pasporty el abyroıymen jaýapkershiliginiń belgisi ekenin atap ótti.
Marafon ótip jatqan Naýryznama onkúndiginiń biri – Qaıyrymdylyq kúni aıasynda «Qaıyrymdy jan» nomınasııasynyń jeńimpazdary marapattaldy.
Onlaın marafon aıasynda Qazaqstan Respýblıkasynyń Ortalyq referendým komıssııasy janyndaǵy press-ortalyq referendýmnyń ótý barysy týraly resmı aqparattardy turaqty túrde taratty.