15 naýryz kúni Almaty qalasynda respýblıkalyq referendým ótip jatqan ýaqytta 44 sábı dúnıege keldi. Qala ákimdiginiń málimetinshe, sol kúni perzenthanalarda jatqan 558 áıel daýys berýge de múmkindik alǵan, dep habarlaıdy Egemen.kz.
Almaty qalasynyń perzenthanalarynda 15 naýryz kúni saǵat 00:00-den 14:00-ge deıin 44 sábı dúnıege keldi. Olardyń 21-i ul, 23-i qyz bala.
Dárigerlerdiń aıtýynsha, jańa týǵan náresteler men olardyń analarynyń jaǵdaıy jaqsy, barlyǵy mamandardyń baqylaýynda.
Elimizde Konstıtýsııa esimdi qansha adam bar?
Qalalyq ákimdiktiń habarlaýynsha, osy kúni bosandyrý qyzmetin kórsetetin medısınalyq uıymdarda pasıentterdiń respýblıkalyq referendýmǵa qatysýyna múmkindik uıymdastyryldy.
Úsh perınataldyq ortalyq pen úsh perzenthanada stasıonarda em alyp jatqan júkti jáne bosanǵan 558 áıel daýys berýge qatysty.
Qazaqstanda referendýmǵa arnalǵan saılaý ýchaskeleri jabyldy
Pasıentter úshin daýys berý prosesi emdeý jáne bosanǵannan keıingi qalpyna kelý tártibin buzbaı ótkizildi.
Aıta keteıik, 15 naýryz kúni Qazaqstanda jańa Konstıtýsııa jobasy boıynsha respýblıkalyq referendým ótti. Daýys berý ýchaskeleri saǵat 07:00-den 20:00-ge deıin jumys istedi.
Referendýmda daýys bergender sany 9 mıllıonnan asty