Almaty turǵyndary respýblıkalyq referendýmda sońǵy bes jyldaǵy eń joǵary daýys berý belsendiligin kórsetti. Ortalyq saılaý komıssııasynyń aldyn ala málimetine sáıkes, qaladaǵy saılaýshylardyń qatysý kórsetkishi 33,43 paıyzdy qurady. Bul 2020 jyldan beri ótkizilgen referendýmdarmen salystyrǵanda joǵary nátıje bolyp otyr, dep habarlaıdy Egemen.kz.
Qazaqstannyń jańa Konstıtýsııasyn qabyldaýǵa arnalǵan referendým aıaqtaldy. Almatyda tańerteńnen bastap qala turǵyndary daýys berýge belsendi qatysyp, bul naýqanǵa úlken qyzyǵýshylyq tanytty. Kóptegen saılaý ýchaskesinde kelýshilerdi mýzykamen jáne túrli shaǵyn kórinistermen qarsy alyp, merekelik atmosfera qalyptasty.
Almaty qalalyq О́KQ málimetinshe, qalada tańǵy saǵat 07:00-den bastap 653 daýys berý ýchaskesi jumys istedi. Ýchaskeler ashylǵan alǵashqy saǵattardyń ózinde-aq daýys bergisi kelgen azamattardyń kezegi baıqaldy.
Referendýmda daýys bergender sany 9 mıllıonnan asty
Jalpy alǵanda, daýys berý barysy tynysh ári uıymdasqan jaǵdaıda ótti. Ártúrli qoǵamdyq uıymdardyń baqylaýshylary eshqandaı zańbuzýshylyqtar tirkelmegenin habarlady.
IIM: Referendým ýchaskelerinde qoǵamdyq tártip buzylǵan joq