Eýrazııalyq ıntegrasııa ınstıtýty júrgizgen saýalnama boıynsha Exit poll nátıjesi jarııalandy. Qazaqstandyqtardyń 86,7%-y referendýmda «Iá, qabyldaımyn» dep jaýap bergen, dep habarlaıdy Egemen.kz.
Eýrazııalyq ıntegrasııa ınstıtýty Qazaqstannyń 17 oblysynda, Astana, Almaty, Shymkent qalalarynda Exit poll – referendým ýchaskilerinen shyǵa beriste azamattarǵa saýalnama júrgizdi.
Saýalnama 200 referendým ýchaskisin qamtydy, onyń ishinde 129 – qalalarda, 71 – aýyldyq jerlerde ornalasqan.
Saýalnamaǵa barlyǵy 30 myń respondent qatysty, olarǵa arnaıy daıarlanǵan ıntervıýerler face-to-face ádisimen suhbat júrgizdi.
Zertteý nátıjeleriniń qateligi 1%-dan aspaıdy.
Aıta keteıik, 15 naýryz kúni Qazaqstanda jańa Konstıtýsııa jobasy boıynsha respýblıkalyq referendým ótti. El boıynsha daýys berý ýchaskeleri saǵat 07:00-den 20:00-ge deıin jumys istedi.
Daýys berý quqyǵyna 18 jastan asqan, saılaýshylar tizimine engizilgen Qazaqstan azamattary ıe boldy. Tizimge barlyǵy 12 461 796 adam engizildi.
Referendým kúni el boıynsha 10 388 daýys berý ýchaskesi jumys istedi. Sondaı-aq álemniń 54 elindegi Qazaqstannyń dıplomatııalyq ókildikteri janynan 71 ýchaske ashyldy.
Baıqaýshylar: Referendým barysynda zańbuzýshylyqtar tirkelgen joq
Al 92 ýchaskede, negizinen áskerı bólimderde, komıssııalar jumysyn erterek – saǵat 06:00-de bastady.
Sonymen qatar referendýmda 9 126 850 azamat óz tańdaýyn jasady. Ol tizimge engizilgen azamattardyń 73,24 %-yn qurady. Aıta keteıik, referendýmnyń resmı nátıjeleri 2026 jylǵy 21 naýryzǵa deıin jarııalanady.
Qazaqstanda referendýmǵa arnalǵan saılaý ýchaskeleri jabyldy