Daýys berýdiń aıaqtalýyna baılanysty Jalǵan aqparatqa qarsy is-qımyl ortalyǵy aqparattyq keńistikke júrgiziletin monıtorıngti jalǵastyryp keledi, dep habarlaıdy Egemen.kz.
Ortalyq kommýnıkasııalar qyzmetiniń Jalǵan aqparatqa qarsy is-qımyl ortalyǵy kúni boıy daýys berý rásimine qatysty tıptik feıkter men manıpýlıasııalyq materıaldardyń taralýy tirkelgenin aıtty.
Saılaý ýchaskeleriniń jabylýymen mundaı aqparattyq shabýyldardyń belsendiligi, ádette jańa kezeńge ótedi. Ortalyqtyń boljamy boıynsha, jalǵan aqparattyń qarqyny túpkilikti báseńdegenge deıin negizgi ekpin daýys berý prosesinen daýystardy sanaý rásimi men onyń nátıjelerine kúmán keltirýge aýysady.
Atap aıtqanda, aqparattyq keńistikte mynadaı málimetter taralýy múmkin:
daýys berýdiń nátıjeleri aldyn ala belgili boldy delingen «aqparattyń tarap ketýi»; jalǵan ekzıt-poll nátıjeleri; «daýys sanaý kezinde bıýlletenderdi aýystyrý» týraly negizsiz málimdemeler; «saılaý jáshikterin» nemese qujattamany «jasyryn alyp ketý» týraly habarlamalar; jelide taratylatyn, qorytyndy nátıjeler retinde usynylǵan «qujattar» men kesteler; «referendýmdy ótpedi dep taný» týraly negizsiz málimdemeler.Túrli elderdegi elektoraldyq naýqandardy baqylaý tájirıbesi kórsetkendeı, qandaı ma aqparattyq shabýyldardyń bir bóligi kelesi kúni de taralýy múmkin. Bul kezeńde daýys berýdiń jekelegen epızodtaryn burmalap kórsetý, sondaı-aq referendýmnyń mańyzdylyǵyn tómendetýge baǵyttalǵan jarııalanymdar jıi paıda bolýy múmkin.
Aıta keteıik, Eýrazııalyq ıntegrasııa ınstıtýty júrgizgen saýalnama boıynsha Exit poll nátıjesi jarııalandy. Qazaqstandyqtardyń 86,7%-y referendýmda «Iá, qabyldaımyn» dep jaýap bergen.
Sonymen qatar referendýmda 9 126 850 azamat óz tańdaýyn jasady. Ol tizimge engizilgen azamattardyń 73,24 %-yn qurady. Aıta keteıik, referendýmnyń resmı nátıjeleri 2026 jylǵy 21 naýryzǵa deıin jarııalanady.