ASTANA. 26 maýsym. Reseıdiń burynǵy premer-mınıstri Evgenıı Prımakov uzaq ýaqytqa sozylǵan dertten aıyǵa almaı, 86 jasqa qaraǵan shaǵynda qaıtys boldy. Bul týraly TASS habarlady.
Evgenıı Prımakov – Reseıdiń dıplomatııalyq, memleket jáne saıası qaıratkeri. Ol 1996-1998 jyldary atalǵan eldiń syrtqy ister mınıstri, al 1998-1999 jyldary premer-mınıstri laýazymynda qyzmet atqardy.
Sonymen qatar, ol shyǵystanýshy jáne arabtanýshy boldy. KSRO kezinde 1977 jyldan 1985 jylǵa deıin Shyǵystaný ınstıtýtyna jetekshilik etti. 1980-jyldardyń sońynda KSRO Joǵarǵy keńesiniń depýtaty boldy.
Sondaı-aq, 1991-1996 jyldary Prımakov Syrtqy barlaý qyzmetin basqardy. 2000-2001 jyldary «Otechestvo – Vsıa Rossııa» partııasynyń parlamenttegi fraksııasyna jetekshilik etti. Al 2001 jyldan 2011 jylǵa deıin ol Reseıdiń saýda-ónerkásip palatasynyń basshysy boldy.
Elaman Qońyr.
Derek: TASS.
Sýret: vesti.ru.