Jetisý oblysynyń taǵy bir aýdanynda mektepter men balabaqshalardyń jertóleleri men qoımalarynda qaýipti qaldyqtar saqtalǵany anyqtaldy. Bul týraly óńirlik prokýratýranyń baspasóz qyzmeti habarlady, dep jazady Egemen.kz.
2025 jyldyń sońynda osyndaı tekseris Alakól aýdany aýmaǵynda júrgizilgen. Mektepter men balabaqshalardan 436 isten shyqqan synap quramdy sham tabylǵan. Bul joly tekseris Aqsý aýdany aýmaǵynda júrgizildi.
«Keıbir mektepter men memlekettik balabaqshalarda myńnan astam isten shyqqan sham uzaq ýaqyt boıy jertóle jáne qoıma bólmelerinde saqtalǵan. Sanıtarlyq erejeler boıynsha mundaı shamdar oqshaýlanǵan jerde saqtalyp, arnaıy tártippen joıylýy tıis. Bul talaptardyń saqtalmaýy balalar men qyzmetkerlerdiń densaýlyǵyna qaýip tóndirgen», delingen habarlamada.
Prokýrorlardyń aralasýynan keıin qaýipti qaldyqtar arnaıy oryndarǵa shyǵaryldy.
Atyraý oblysynyń aýylynda tyshqandar kóbeıip, mektepter men balabaqshalar jabyldy