Jetisý oblysy Aqsý aýdanynyń 62 jastaǵy turǵyny Baqytbek Qadysuly balalarynyń ózin júıeli túrde qorlap kele jatqanyn aıtyp, qoǵam belsendisi Danııar Beıisqalıge jetkizgen, dep jazady Egemen.kz.
Baqytbek Qadysulynyń aıtýynsha, 31 jáne 34 jastaǵy uldary ózin birneshe ret qorqytyp, aqshasyn alyp, tipti bir ret betin pyshaqpen jaraqattaǵan.
«Eki ulym kólikke kúshtep mingizip, tastap ketken kúni de boldy. Men áreń úıge jettim. Bul oqıǵaǵa baılanysty aǵam eskertý jasaǵanda ony da pyshaqtady. Quqyq qorǵaý organdary olardy ustap, 2 aıǵa qamaǵanmen kishkentaı balalary bary eskerilip 1 aıdan keıin bosatyp jiberdi», deıdi Baqytbek Qadysuly.
Jańaózende bir top jasóspirim oqýshy men ákesin urǵan
Al oblystyq polısııa basqarmasy qarttyń áleýmettik jelide jarııalaǵan jazbasynan keıin uldarynyń ustalǵanyn habarlady.
«Eki er adam qazir qamaýǵa alyndy. Is aıasynda sot olarǵa úsh aı merzimge arnaıy minez-qulyq talaptaryn oryndaý, sonyń ishinde jábirlenýshige jaqyndaýǵa tyıym salý týraly buıryq shyǵardy. Bosap shyqqannan keıin de ekeýi baqylaýǵa alynady. Jaǵdaıdy polısııa qadaǵalap otyr», delingen Jetisý oblystyq polısııa basqarmasy taratqan habarlamada.
Ákesin aıaýsyz urǵan azamat 5 jylǵa bas bostandyǵynan aıyryldy