Senator Bıbigúl Jeksenbaı azamattardyń alaıaqtardan qorǵaný múmkindiginiń azdyǵy men jekelegen memlekettik organdardyń enjar kózqarasy týraly depýtattyq saýal joldady, dep habarlaıdy Egemen.kz.
Depýtat saýalyna turǵyn úı qurylysyna mıllıon teńge salǵan múgedektigi bar adamdardyń senatorǵa ótinish aıtýy sebep boldy. Alaıda aqshany alǵan qurylys salýshy qashyp ketken. Qaryzdy jabýǵa tyrysqan otbasy alaıaqtar urlap áketken nesıelik kólikten aıyrylǵan, biraq bank aldyndaǵy mindettemeler saqtalyp otyr.
Asa iri mólsherdegi alaıaqtyq jáne jalǵan aqparat: Almatyda Sanjar Boqaev ustaldy
Senator memlekettik organdarǵa jasalǵan ótinishter nátıje bermegenin jáne atústi jaýaptar berile bastaǵanyn atap ótti. 2021 jyly shyǵarylǵan sot sheshimi áli oryndalǵan joq, óıtkeni boryshkerdiń múlki joq. Onyń aıtýynsha, zańda sot sheshimderin oryndaýdan jaltarǵany, onyń ishinde aktıvterdi jasyrǵany úshin jaýapkershilik belgilengen. Alaıda, is júzinde bul normalar jumys istemeıdi jáne zardap shekkender qorǵaýdan syrt qalǵan.
«Estý jáne sóıleý qabileti buzylǵan azamattar kóbinese ádettegi jaǵdaıdaǵy baılanys ortalyqtaryn, sıfrlyq qyzmetterdi nemese JI kómekshilerin paıdalana almaıdy. Nátıjesinde, qorǵaýǵa muqtaj adamdar júıeden tys qalyp otyr. Osyǵan baılanysty alaıaqtyqpen jáne osal azamattardy qorǵaýǵa baılanysty ister boıynsha sot sheshimderin oryndaýdyń biryńǵaı mekemearalyq kelisilgen praktıkasyn, sondaı-aq sot-quqyq qorǵaý organdary, sot oryndaýshylary, bankter jáne ózge de qurylymdardyń is-qımyldaryn naqty úılestirýdi qaraýdy suraımyz. Estý jáne sóıleý qabileti buzylǵan azamattarǵa arnalǵan ózara is-qımyl men kómektesetin balama arnalarmen qosa memlekettik jáne sıfrlyq servısterdiń qoljetimdiligin qamtamasyz etý kerek. Sondaı aq sot aktilerin oryndamaǵany úshin jaýapkershilikti kúsheıtý týraly máseleni qaraýdy suraımyz», dedi senator.
Atyshýly urlyq pen alaıaqtyq daýy: Lývr dırektory qyzmetinen ketti