Naýryz meıramynda Túrkistan qalasyndaǵy jańa atshabardyń ashylýyna oraı uıymdastyrylǵan kókpardan álem chempıonatynda komandalar joǵary deńgeıdegi sheberlikterin kórsetip, jankúıerlerge tartysty ári áserli oıyn syılady, dep jazady Egemen.kz.
Halyqaralyq básekeniń qorytyndysy boıynsha Qazaqstan quramasy chempıon atandy. Olar fınalda О́zbekstan kókparshylaryn 9:2 esebimen jeńdi. О́zbekstan quramasy ekinshi orynǵa ıe boldy. Aýǵanstan komandasy úzdik úshtikti túıindese, Reseı shabandozdary tórtinshi orynnan kórindi. Jeńimpazdar men júldegerler arnaıy marapattarǵa ıe boldy. Olarǵa medaldar, kýboktar jáne alǵyshattar tabystaldy. Sonymen qatar júlde qory da úlestirilip, birinshi oryn ıegerlerine 15 mıllıon teńge, ekinshi orynǵa 7,5 mıllıon teńge, úshinshi orynǵa 4,5 mıllıon teńge berildi. Tórtinshi oryn alǵan komandaǵa 3 mıllıon teńge kóleminde syıaqy tabystaldy.
Sondaı-aq jańa atshabarda ulttyq sportty dáripteýge maqsatynda birneshe jarys ótkizildi. Mysaly, dástúrli sadaq atýdan Azııa chempıonaty joǵary deńgeıde uıymdastyryldy. Chempıonatqa Qazaqstan ulttyq quramasynan bólek, Mońǵolııa, Qytaı, Qyrǵyzstan, Úndistan, Soltústik Kıpr, Túrkııa, О́zbekstan, Reseı jáne Taıland elderinen kelgen sportshylar qatysty. Jalpy sany 110-ǵa jýyq mergen 10 memlekettiń namysyn qorǵady.Qatysýshylar barlyq sanatta baq synap, erler men áıelder arasynda úzdikter anyqtaldy. Tartysty báseke qorytyndysynda Qazaqstan quramasy jalpykomandalyq esepte birinshi orynǵa ıe boldy. Mońǵolııa quramasy ekinshi orynǵa turaqtasa, Qyrǵyzstan sportshylary úzdik úshtikti túıindedi.
Batys Qazaqstanda Ulttyq sport lıgasy ashyldy