Ishki ister mınıstrligi qylmystyq toptardyń jolyn kesý jáne azamattardyń qaýipsizdigin qamtamasyz etý baǵytynda júıeli jumystar júrgizip keledi. 27 naýryz kúni Almaty qalasynda jedel ázirleme aıasynda adam urlaý jáne densaýlyqqa aýyr zııan keltirý faktileri boıynsha keshendi jedel-tergeý is-sharalary ótti. Nátıjesinde barlyq kúdiktiler anyqtalyp, ustaldy. Sonymen qatar 17 sanksııalanǵan tintý júrgizildi, dep habarlaıdy Egemen.kz.
Tintý barysynda zańsyz aınalymnan atys qarýlary, onyń ishinde sáıkestendirý nómirleri joıylǵan tapanshalar men Kalashnıkov avtomaty, sondaı-aq ártúrli kalıbrli 500-ge jýyq oq-dári tárkilendi.
Jedel derekterge sáıkes, qylmyskerler atalǵan qarý-jaraqty kásipkerlerge qysym kórsetý maqsatynda qoldanbaq bolǵan. Quqyq qorǵaý organdarynyń der kezinde júrgizgen sharalary aýyr saldardyń aldyn alýǵa múmkindik berdi.
Jyl basynan beri zańsyz aınalymnan 580 qarý tárkilendi
Mınıstrlik bul baǵyttaǵy jumystyń jalǵasatynyn atap ótti. Vedomstvonyń málimetinshe, «Zań men tártip» qaǵıdaty qatań saqtalyp, qoǵamdyq turaqtylyqqa qaýip tóndiretin kez kelgen áreketter zań aıasynda toqtatylady.