Mańǵystaý oblysynyń Beıneý aýdanynda janarmaı quıý beketinde jarylys bolyp, bir adam aýyr kúıik aldy, dep habarlaıdy Egemen.kz.
Oqıǵa 10 naýryz kúni stansııa aýmaǵynda tirkelgen. Tótenshe jaǵdaılar departamentiniń málimetinshe, oqıǵa boıynsha shaqyrtý túspegen jáne órt faktisi tirkelmegen.
«О́rt bolǵan joq. Anyqtaýshylar polısııanyń shaqyrýymen aýrýhanaǵa bardy. Zardap shekken adamǵa órt qaýipsizdigi talaptaryn buza otyryp jumys istegeni úshin eskertý berildi», dep habarlady vedomstvo.
Aldyn ala málimetterge sáıkes, jumys barysynda kólemi 200 lıtrlik metall bóshke jarylǵan. Sonyń saldarynan janarmaı quıý beketiniń qyzmetkeri zardap shegip, onyń beti men denesiniń joǵarǵy bóligi kúıip qalǵan. Qazirgi tańda ol em qabyldap, ońaltý kýrsynan ótip jatyr.
Eńbek ınspeksııasy ókilderiniń aıtýynsha, zardap shekken azamat resmı eńbek shartynsyz jumys istegen. Al yqtımal jumys berýshi eńbek qatynastarynyń bolǵanyn joqqa shyǵaryp otyr.
Abaı oblysyndaǵy shahtada jumysshy qaza tapty
Zardap shekken azamattyń týystary oqıǵaǵa qaýipsizdik talaptarynyń saqtalmaýy sebep bolýy múmkin dep sanap, jan-jaqty tergeý júrgizýdi talap etýde. Qazirgi ýaqytta qosymsha tekseris júrip jatyr. Onyń ishinde jasyryn eńbek qatynastarynyń bolýy da qarastyrylýda. Materıaldar kompanııa tirkelgen Almaty qalasyna joldanyp, ári qaraı qaralatyn bolady.