Konstıtýsııaǵa arnalǵan alqaly jıyn

«Nur Otan» partııasy oblys­tyq fılıalynda el Konstıtý­sııa­sy­nyń 20 jyldyǵyna arnalǵan kon­ferensııa ótti. Oblystyq más­lıhat pen «Nur Otan» par­tııasy oblystyq fılıaly birlesip uıymdastyrǵan konfe­ren­sııaǵa elimizge tanymal qoǵam qaı­ratkerleri, oblystyq máslı­hat­tyń birinshi jáne besinshi shaqyrylymdarynyń depýtattary, qalalyq jáne aýdandyq máslıhattardyń hatshylary, saılaý komıssııalarynyń tóraǵalary, sot, prokýratýra jáne ádilet organdarynyń, memlekettik mekemelerdiń basshylary men qyzmetkerleri, saıası partııalar men úkimettik emes uıymdardyń ókilderi qatysty. Atalǵan jıynnyń shymyl­dyǵy «Qazaqstan – Aqtóbe» telekompanııasy Konstıtýsııanyń 20 jyldyǵyna arnap túsirgen beınefılm kórsetilimimen ashyldy. Konferensııany oblystyq máslıhattyń hatshysy Sánııa Qaldyǵulova qysqasha sóz sóılep ashyp, Ata Zańymyzdyń aıshyqty qaǵıdattaryna nazar aýdardy. Ol bizdiń elimizde kóp ulttyq jáne ultaralyq kelisimge basymdylyq beriletinine, 20 jyl boıy ustanyp kele jatqan Konstıtýsııamyz­dyń bul qaǵıdattyń tıimdi atqa­rylýyna qyzmet etetindigine elimizdegi erkindik pen bostan­dyqtyń qamtamasyz etilgenine toqtaldy. Parlament Máji­li­siniń ekinshi jáne úshinshi shaqy­rylymdarynyń depýtaty, fılosofııa ǵylymdarynyń doktory Amangeldi Aıtaly «Konstıtýsııa –Qazaqstan Respýblıkasynyń Negizgi zańy» degen taqyrypta baıandama jasady. Ol memleket saıasatynyń túp qazyǵy Ata Zań ekenine nazar aýdara kelip, elimizdegi Konstıtýsııanyń qalyptasý joldaryn saralaı áńgimeledi. El egemendiginiń, memleket táýelsizdiginiń berik tuǵyry – Ata Zańymyz týraly tarıh ǵylymdarynyń doktory Nurtaza Abdollaev, mádenıet qaıratkeri Erkin Qumanbekov tolymdy pikir aıtyp, tarıh kóshindegi Ata Zańymyz ben memlekettik rámiz­derimizdiń mańyzyn asha tústi. Konferensııa sońynda elimiz­diń konstıtýsııalyq negiziniń qalyptasýy men damýyna eleýli úles qosqany jáne elimizdiń qoǵam­dyq-saıası ómirindegi ıgilikti isteri jáne belsendi qatysqany úshin bir top aqtóbelikterge «Qazaq­stan máslıhatyna – 20 jyl» merekelik medali men oblystyq máslıhatttyń alǵys hattary tapsyryldy. Satybaldy SÁÝIRBAI, «Egemen Qazaqstan». Aqtóbe oblysy.