Elimizde mármár untaǵy men qurǵaq qurylys qospalaryna degen suranys jyl ótken saıyn artyp keledi. Aldaǵy ýaqytta Qazaqstannyń qaı qıyrynda bolsyn, qurylys qarqyny údeı túspese, baıaýlamaıdy. Osy oraıda ishki naryq suranysyn qanaǵattandyrý maqsatynda Tarazda eki birdeı zaýyt iske qosyldy.
Mamandardyń aıtýynsha, jańadan ashylǵan kásiporyndarda jergilikti azamattardy jumyspen qamtyp qana qoımaı, qurylys sektoryndaǵy ımportqa táýeldilikti azaıtý kózdelgen. Osylaısha, jergilikti ónimdi ótkerý maqsaty qoıylyp otyr.
«Alit Holding» JShS-nyń mármár untaǵyn jáne qurǵaq qurylys qospalaryn óndiretin zaýyttardyń ashylý saltanatyna óńir basshysynyń birinshi orynbasary Nurjan Kalenderov, «Bəıterek» ulttyq basqarýshy holdıngi» AQ, «Qazaqstan Investment Corporation» AQ, «Baiterek Venture Fund» AQ ókilderi, sondaı-aq sala sarapshylary men iskerlik qaýymdastyq ókilderi qatysty.
Jalpy,oblys ortalyǵynda keıingi jyldary birneshe óndiris oshaǵy boı kótergeni belgili. Al elimizdiń qurylys materıaldary naryǵynda 30 jyldyq tájirıbesi bar «Alit» kompanııasynyń Taraz shaharynda jańa zaýyt ashýy quptarlyq qadam. О́ıtkeni oblys ortalyǵynda qurylys qarqyny jyl ótken saıyn artyp keledi. Taraz tórinde buǵan deıin «Kazgyps» gıps ónimderi zaýyty salynǵanyn da aıta ketken jón.
«Qurǵaq qurylys qospalary is júzinde kez kelgen jóndeý jumysynda qoldanylatyny málim. Bir pəterge orta eseppen 2 tonna shamasynda osyndaı materıal qajet ekeni belgili. Jańadan iske qosylǵan bul zaýyttar jyl saıyn elimiz boıynsha 70 myńǵa deıin pəterdi materıaldarmen qamtamasyz etýge múmkindik beredi», dedi kompanııanyń atqarýshy dırektory Baǵlan Aljanqulov jańa kásiporyndardyń áleýeti týraly oı bólisip.
Aýqymdy joba «Bəıterek» ulttyq basqarýshy holdıngi» AQ qurylymyna kiretin «Qazaqstan Investment Corporation» AQ tarapynan, «Baiterek Venture Fund» AQ tikeleı ınvestısııalar qory arqyly qarjylaı qoldaýymen júzege asyryldy. Tartylǵan ınvestısııanyń jalpy somasy 3,8 mlrd teńgeni qurap otyr. Qarajat óńdeý ónerkəsibin damytýǵa, jergilikti jerdegi óndiristi keńeıtýge, otandyq qurylys materıaldary óndirýshileriniń múmkindigin nyǵaıtýǵa baǵyttalǵan.
Mamandar keltirgen derekke sensek, elimizdegi qurǵaq qospalar naryǵyndaǵy jaǵdaı suranystyń artqanyn baıqatady. Naqtyraq aıtsaq, 1-1,3 mln tonnaǵa deıin jetken. El aýmaǵynda jyl saıyn 20 mln sharshy metrden astam turǵyn úı paıdalanýǵa beriledi. Bul óz kezeginde sapaly qurylys materıaldaryna degen suranysty arttyrmasa, azaıtpasy anyq.
Tarazda salynǵan qurǵaq qurylys qospalaryn óndiretin jańa zaýyttyń qýattylyǵy jylyna shamamen 150 myń tonna ónimdi quraıdy. Bul jyl saıyn 70 myńǵa deıingi pəterdi jóndeýge qajetti materıal kólemimen shamalas. О́ńirde mərmər untaǵyn óndiretin zaýyttyń iske qosylýy kompanııaǵa shıkizattan bastap daıyn ónimge deıin tolyq óndiristik sıkl qalyptastyrýǵa múmkindik beredi.
Kompanııada shıkizatqa táýeldilik joq. О́ıtkeni óndiristik keshenniń óziniń shıkizat bazasy bar. Úlken Býryl ken orny shıkizatpen tolyqtaı qamtyp otyr eken. Joba aıasynda 100 jańa jumys orny ashylatynyn da aıta ketken jón.
«Tarazda el aýmaǵynda balamasy joq zaýyt ashylǵanyna qýanyshtymyz. О́ıtkeni bul – avtomattandyrylǵan kásiporynnyń alǵashqysy. Memleket basshysy Qasym-Jomart Toqaevtyń tapsyrmasyna sáıkes, ár jyldyń mejeli jospary ósip kele jatqanyn aıtpaı ketýge bolmas. Máselen, ótken jyly 246 mlrd teńge shamasynda ınvestısııa tartylǵan bolsa, osy jyly kórsetkishti 361 mlrd teńgege jetkizý mejesi qoıylyp otyr. Jańa óndiris oshaqtaryn ashý arqyly jergilikti jurtty jumyspen qamtý múmkindigi de artatyny belgili», deıdi Taraz qalasy ákiminiń orynbasary Gúldana Jaýynbekova.
Qalaı desek te óńirde keıingi jyldary ınvestısııa tartý jumysy qarqyndy júrgizilip jatqany belgili. Ásirese óńdeý ónerkásibin órkendetýge basymdyq berilip otyr. Osylaısha, jergilikti atqarýshy bılik ókilderi Memleket basshysynyń tapsyrmasyn sapaly túrde júzege asyrýǵa bel býyp otyrǵany kóńil toǵaıtady.
TARAZ