Abaı oblysynda Kýrchatov qalasyn ǵylym qalashyǵyna aınaldyrý máselesi talqylandy. Ǵylym men ınnovasııany damytý 2026-2030 jyldarǵa arnalǵan óńirlik josparǵa engizilgen. Bul baǵytta arnaıy keńes jumys isteıdi, dep jazady Egemen.kz.
Semeıde ótken keńes otyrysyna memlekettik organdar men ǵylymı uıymdardyń ókilderi qatysty. Jıynda «2027-2035 jyldarǵa arnalǵan Kýrchatov ǵylym qalashyǵyn damytý jospary» qaraldy.
Aımaq basshysy Berik Ýálı ǵylymdy damytý – óńir úshin strategııalyq mindet ekenin atap ótti. Ǵylymı jobalardy ekonomıkaǵa engizý jáne ǵylym, bıznes, óndiris baılanysyn kúsheıtý – basty maqsat.
Kýrchatovta ıadrolyq zertteý ortalyǵy men ǵylymı ınfraqurylym bar. Qalany damytýǵa arnalǵan 1,1 trln teńgeni quraıtyn 76 jobadan turatyn jospar ázirlendi, nátıjesinde 6 myńnan astam jumys orny ashylady.
Kýrchatovta ǵylym qalashyǵy boı kóteredi
Negizgi jobalardyń qatarynda elektr stansııasynyń qurylysy, kómir-hımııa kesheni jáne ınfraqurylymdy jańartý bar. Qazir qalada jol, jaryq, ınternet, áleýmettik jáne turǵyn úı ınfraqurylymy jańartylyp jatyr.
Sondaı-aq, temirjol nysandary jańǵyrtylýda, kommýnaldyq máseleler kezeń-kezeńimen sheshilip otyr.
Kýrchatovqa kóńil bólinedi
Jıyn sońynda oblys ákimi ınvestısııa tartý, ınfraqurylymdy damytý jáne kadrlyq áleýetti kúsheıtý jumystaryn jandandyrýdy tapsyrdy.