Qazaqstannyń halyq jazýshysy, aqyn, qoǵam qaıratkeri Muhtar Shahanovtyń densaýlyǵy kúrt nasharlap, aýrýhanada jatyr, dep jazady Egemen.kz.
Bul týraly áleýmettik jelide Muhtar Shahanov atyndaǵy qordyń tóraǵasy Nurjigit Ysqaq málimdedi.
«Halqymyzdyń Qaharman aqyny, ári jazýshysy, ult úshin janyn aıamaı ter tókken azamaty Muhtar Shahanovty bilmeıtin qazaq kem de, kem! Tek qana qazaq qana emes, búkil túrki álemin de moıyndatqany ótirik emes. Keńestik júıeniń qylyshynan qan tamyp turǵan keziniń ózinde basyn báıgege tigip, Kremldiń tórinde Jeltoqsan oqıǵasyn álemge pash etkeniniń ózi ne turady! Aıtar bolsaq ol kisiniń elge jasaǵan qyzmetin sanap taýysa almaspyz.
Qazir kókemiz 84 jasqa keldi. Biraq, densaýlyǵy syr berip, jansaqtaý bóliminde jatyr. Endeshe, Qurmetti halaıyq! Kókemizdiń tez saýyǵyp, ortamyzǵa oralýy úshin duǵa jasap qoıaıyq!», dep jazdy ol.