15 sáýirden bastap Qazaqstanda mobıldi aýdarymdarǵa qatysty tekseris júrgiziledi. Endi salyq organdary azamattardyń jyl basynan beri jasaǵan barlyq aqsha aýdarymdary týraly málimetterdi qaraı bastaıdy. Bul aqparatty Memlekettik kirister komıtetine ekinshi deńgeıli bankter usynýǵa mindetti, dep habarlaıdy Egemen.kz.
Qarjy vıse-mınıstri Erjan Birjanovtyń aıtýynsha, qarapaıym turmystyq aýdarymdar tekseris nysanyna ilige bermeıdi. Máselen, kofe ne túski as úshin tólem jasaý, dostarmen birge jınalyp aqsha aýdarý nemese týǵan kúnge qarajat jınaý sııaqty jaǵdaılar kásipkerlik belgisi retinde qarastyrylmaıdy. Ol úshin birneshe naqty shart qatar oryndalýy kerek.
Elimizdegi psevdopsıhologtarǵa aıyppul engizilýi múmkin
Al kúmán týdyrǵan qarjylyq operasııalar boıynsha azamattarǵa mamyr aıynda habarlama jiberiledi. Sáýir aıynyń sońyna deıin salyq organdary tekserilýi múmkin tulǵalardyń tizimin jasaqtaıdy. Odan keıin azamattarǵa aýdarymdardyń maqsatyn túsindirý úshin 30 jumys kúni beriledi.
Eger bul aqsha taýar nemese qyzmet úshin tólem retinde alynǵany jáne odan salyq tólenbegeni anyqtalsa, salyq esepteledi nemese aıyppul salynady. Sonymen qatar mundaı azamattarǵa jeke kásipker retinde tirkelý talap etiledi.
Blogerlerge 600 mln teńge salyq tóleý mindetteldi