QOSTANAI. 15 tamyz. Qostanaıda «О́zara oblys aptalary» baǵdarlamasy aıasynda Batys Qazaqstan oblysynyń Mádenıet kúnderi ótýde. Bul týraly egemen.kz tilshisi habarlady.
Batys Qazqstan oblysy mádenıet kúnderi aıasynda qostanaılyqtar belgili aqyn, Qazaqstan Jazýshylar odaǵynyń múshesi, Halyqaralyq «Alash» ádebı syılyǵynyń, «Qurmet» ordeniniń ıegeri, Qazaqstannyń eńbek sińirgen qaıratkeri Aqushtap Baqtygereevamen onyń «Aq jaıyq. Aq shaǵala. Aqushtap» taqyrybynda ádebı keshinde júzdesti. Onda Aqushtaptyń óleńderi oqyldy, onyń mátinine jazylǵan ánder shyrqaldy.
Qazaqstan Jazýshylar odaǵy Qostanaı oblystyq fılıalynyń dırektory Ǵumar Ahmetchın: «Akademık Zeınolla Qabdolov kez kelgen aqyn týraly aıta bermegen. Ol kisi Aqushtap shyǵarmashylyǵy týraly «Aqushtaptyń óziniń poezııa aýyly bar. Sol aýyldyń ishinde kóptegen otaý bar. Ár otaýǵa kirseńiz poezııanyń túrli-túrli salasy bar. Aqushtaptyń mahabbat, baqyt, Otan, ana týraly óleńderi bólek-bólek, qyzdyń jıǵan júgindeı» dep jazǵan bolatyn. Biz osydan artyq sóz aıta almaımyz. Biraq óz piikirimizdi bildirer bolsaq, Aqushtap Almatyda 40 jyl eńbek etti, sosyn Oralǵa kelgenine de 12 jyldaı ýaqyt boldy. Aqushtap Almatydaǵy bedelin Oralǵa arqalap keldi. Oralda óziniń óleńimen de, azamattyq qaıratkerlegimen de jastardyń tárbıesine úles qosyp keledi» – dedi.
Qostanaıdaǵy «Mıras» mádenıet úıinde aqynnyń shyǵarmalarynan kitap kórmesi uıymdastyryldy. Munan keıin qostanaılyqtar Jaıyq boıy ónerpazdarynyń konsertin tamashalady.
Batysqazaqstandyqtar Qostanaı jurtyna «Batys Qazaqstan – Evrazııa júreginde» tarıhı-etnografııalyq kórmesin usyndy.
I.Omarov atyndaǵy oblystyq drama teatrynda Batys Qazaqstan oblystyq drama teatrynyń ujymy Shyńǵys Aıtmatovtyń «Jámıla» dramasyn usyndy.
Aldaǵy ýaqytta Qostanaı oblysynyń Batys Qaazqstan oblysyndaǵy kúnderi ótettin bolady.
Názıra Járimbetova
Derek, sýret: egemen.kz.