ASTANA. 15 tamyz. Búgin tańerteń Almaty oblysynda avtobýstyń aýdarylyp qalýy saldarynan onshaqty adam zardap shekti. Bul týraly ras.kz habarlady.
Zardap shekkenderdiń bári Qaskeleńdegi aýrýhanaǵa jetkizilgen. Sonymen birge jol-kólik oqıǵasynan qaza tapqandardyń joq ekeni aıtyldy.
Keıbir aqparlarǵa qaraǵanda, avtobýs júrgizýshisi de aýrýhanaǵa jatqyzylǵan. Kórgenderdiń aıtýlarynsha, avtobýstyń «júrgizýshi jaq beti qatty búlingen».
Qazir jol-kólik oqıǵasynyń sebebi zerttelip jatyr.
Avtobýs salonynda 40-qa jýyq jolaýshynyń bolǵany anyqtaldy.
Eske sala keteıik, búgin tańerteń Almaty-Bishkek tas jolynyń boıynda taǵy bir avtobýs aýdarylyp qalǵan. Oqıǵa saǵat 9:00 shamasynda bolǵan. Ol Shymkentten Almatyǵa qatynap kele jatqan. Onyń ishinde 46 jolaýshy otyrǵan.
Apat júrgizýshiniń jolda qalǵyp ketkeninen oryn alǵan. Avtobýs saǵatyna 40 shaqyrym jyldamdyqpen kele jatqandyqtan ǵana adam shyǵyny bolmaǵan.
Apat saldarynan 2 júrgizýshi men negizinen aldyńǵy qatarlarda otyrǵan jolaýshylar zardap shekken, 10 adam aýrýhanaǵa jetkizilgen, sonyń ishinde úsheýine alǵashqy medısınalyq kómek kórsetilip, úılerine jiberilgen. Zardap shekkenderdiń arasynda balalar bolǵan joq.
Talǵat Raıymbek.
Derek, sýret: ras.kz.