Ulttyq bank qyzmetine ózgerister engiziledi

Májilistiń Qarjy jáne bıýdjet komıtetiniń tóraıy­my Gúljan Qaraqusovanyń jetekshiligimen «Qazaq­stan Respýblıkasynyń keıbir zańnamalyq aktilerine ekin­shi deńgeıdegi bankterdiń jumys istemeıtin kredıtteri men aktıvteri, qarjylyq qyzmetter kórsetý jáne qarjy uıymdary men Qazaqstan Ulttyq bankiniń qyzmeti máseleleri ­boıynsha ózgerister men tolyqtyrýlar en­gizý týraly» zań jobasynyń tusaýkeseri boldy. Zań jobasy boıynsha Qa­zaqstan Respýblıkasy Ulttyq banki tóraǵasynyń orynbasary Qýat Qojahmetov baıan­dap berdi. «Qazaqstan Res­pýblıkasynyń keıbir zańna­malyq aktilerine ekinshi deń­geıdegi bankterdiń jumys istemeıtin kredıtteri men aktıv­teri, qarjylyq qyzmet­ter kórsetý jáne qarjy uıym­dary men Ulttyq banktiń ­qyz­meti máseleleri boıynsha ózgerister men tolyqtyrýlar engizý týraly» zań jobasy Qazaqstan Úkimetiniń 2014 jyl­ǵy 31 jeltoqsandaǵy №1421 qaý­lysymen bekitilgen Qazaq­stan Úkimetiniń zań jobalaý ju­mystarynyń 2015 jyl­ǵa ar­nalǵan josparynyń 9-tarma­ǵyna sáıkes ázirlengen. Zań jobasy Qazaqstan Res­pýblıkasynyń 4 kodeksine jáne Qazaqstan Respýblıkasynyń 17 zańyna ózgerister engizýdi kózdeıdi. Al zań jobasynyń maqsaty qarjylyq qyzmet­ter­di tutynýshylardyń quqyq­taryn qorǵaýdyń barabar deń­geıi kezinde eldiń qarjy sek­torynyń ornyqtylyǵyn qam­tamasyz etý bolyp tabylady. Zań jobasynyń negizgi ere­jeleri ekinshi deńgeıdegi bankterdiń jumys istemeıtin aktıvterimen jumystyń qo­symsha tetikterin jáne jaǵ­­daılaryn jasaýǵa, Ult­tyq banktiń fýnksııalary men ókilettikterin ońtaı­landyrýǵa, qarjy naryǵy­nyń ınfra­qu­rylymyn damytý­ǵa, qarjylyq qyzmetterdi tutynýshylardyń quqyqtaryn qorǵaý tetikterin jetildirýge baǵyttalǵan. Qujatta qaryz alýshynyń jeke tulǵanyń beresheginiń ósýin boldyrmaý maqsaty jáne olardyń barynsha habar­dar bolýy men kredıtter berý talaptarynyń aıqyn­dy­lyǵyn oılastyrǵan. Ekinshi deń­geı­degi bankterdiń jumys istemeıtin aktıvterimen jumys boıynsha qosymsha tetikter men jaǵdaılar jasaý qarastyrylǵan. Aqsha-kredıt saıasatyn tıimdi iske asyrý ­boıynsha talaptar da kór­setilip, áleýmettik-ekono­mı­kalyq saldarlar eskerilgen. Zań jobasynyń tanystyrylymynda baıandamashyǵa Májilis depýtattary A.So­lo­veva, J.Dúısebaev, N.Jazyl­bekov, M.Aısına, A.Beke­­nov, E.Kappel suraqtar qoı­dy. Ju­mys tobyna jetek­shi­likke depýtat Nurtaı Sabılıanov bekitildi, dep habarlady Májilistiń baspasóz qyzmeti.