ASTANA. 16 tamyz. Búgin fýtboldan Qazaqstan premer-lıgasynyń 23-týry aıaqtaldy. Bul týraly egemen.kz habarlady.
Týr barysynda jankúıerler «Astana» men «Qaırat» komandalarynyń qatysýymen bolǵan oıyndarǵa erekshe nazar aýdardy. Onyń sebebi, qos jasaq ta eýrokýboktyq básekelerde sátti oınaýda.
Ekinshi aınalymdy «Astana» jeńispen bastady. Syrt alańda «Aqtóbeden» 1:0 esebimen basym túsken elordalyqtar týrnır kestesinde jeke dara kósh bastady.
Al «Qaırat» Shymkentte «Ordabasymen» teń oınady. Bul kezdesýde esep ashylǵan joq. Jalpy, osy týrda taǵy eki match golsyz ótti. Atap aıtqanda, «Shahter» men «Oqjetpes» jáne «Qaısar» men «Taraz» bir-biriniń qaqpalarynan sańylaý taba almady.
Eń iri esep Qostanaıda bolǵan jergilikti «Tobyl» men «Jetisý» arasyndaǵy oıynda tirkeldi. Qonaqtardyń úsh birdeı dobyna alań ıeleri jalǵyz golmen jaýap qaıtardy.
13 tamyz
«Aqtóbe» (Aqtóbe) – «Astana» (Astana) 0:1 (0:0)
Gol: Roher Kanıas 81.
14 tamyz
«Ordabasy» (Shymkent) – «Qaırat» (Almaty) 0:0
15 tamyz
«Ertis» (Pavlodar) – «Atyraý» (Atyraý) 2:0 (1:0)
Goldar: Fernarder Kassaı 37, Evandro Ronkatto 87.
«Shahter» (Qaraǵandy) – «Oqjetpes» (Kókshetaý) 0:0
«Qaısar» (Qyzylorda) – «Taraz» (Taraz) 0:0
16 tamyz
«Tobyl» (Qostanaı) – «Jetisý» (Taldyqorǵan) 1:3 (1:2)
Goldar: Igor Zenkovıch 14, penaltı – Rýslan Galıakberov 3, 72, Baýyrjan Turysbek 16.
23-týrdyń qorytyndysy boıynsha týrnır kestesi
Úzdik mergender:
Jerar Goý («Qaırat») – 18 gol;
Lýka Rotkovıch («Oqjetpes») – 10 gol;
Dýshan Savıch («Jetisý»), Djordje Despotovıch («Qaırat»), Sergeı Hıjnıchenko («Aqtóbe») – 8 gol.
24-týr oıyndary 22-23 tamyzda oınalady. Atalǵan týrdaǵy qarsylastar tómendegideı:
«Astana» – «Atyraý»
«Aqtóbe» – «Ordabasy»
«Jetisý» – «Taraz»
«Qaırat» – «Ertis»
«Oqjetpes» – «Qaısar»
«Tobyl» – «Shahter».
Elaman Qońyr.
Derek: egemen.kz.
Sýret: vk.com.