Kórnekti aqyn, dramatýrg, qoǵam qaıratkeri, Qazaqstannyń Eńbek Eri, Halyq jazýshysy Muhtar Shahanov 84 jasqa qaraǵan shaǵynda ómirden ozdy, dep habarlaıdy Egemen.kz.
Mádenıet jáne aqparat mınıstrligi aqyn, dramatýrg, qoǵam qaıratkeri, Qazaqstannyń Eńbek Eri, Halyq jazýshysy Muhtar Shahanovtyń ómirden ótýine baılanysty otbasy men týǵan-týystaryna, jaqyndaryna, qalyń qazaq jurtyna qaıǵyra kóńil aıtty.
«Muhtar Shahanov – shoqtyǵy bıik shyǵarmalar jazyp, poezııany azamattyq ustanymmen ushtastyra bilgen birtýar tulǵalardyń biri edi. Onyń óleń álemine óristi órnek, jańasha tynys ákelip, qazaq poezııasynyń damýyna ózindik jańalyq, tereńdik darytqan shyǵarmalary rýhanııatymyzdyń qundy qazynasyna aınaldy. Qoǵamdaǵy kúrdeli máselelerge ún qosyp, el men jer taǵdyryna qatysty oıly da otty pikir aıtyp, ózine ǵana tán azamattyq bıik ustanymnyń úlgisin kórsetti. Muhtar Shahanovtyń qaısar minezi, ór rýhy, ádilet jolyndaǵy tabandylyǵy men eldik múdde aldyndaǵy adaldyǵy jurt jadynda máńgi saqtalady. Marqumnyń jatqan jeri jaıly, topyraǵy torqa bolsyn! Allanyń raqymy men meıirimi joldas bolyp, rýhy peıishte shalqysyn», delingen habarlamada.