Memleket basshysy Qasym-Jomart Toqaev pen Ýhnaagıın Hýrelsýhtyń kelissózi resmı delegasııa músheleriniń qatysýymen keńeıtilgen quramda jalǵasty. Taraptar eki eldiń san qyrly yntymaqtastyǵy dostyq pen ózara qoldaý rýhynda damyp kele jatqanyna nazar aýdardy, dep habarlaıdy Egemen.kz Aqordanyń baspasóz qyzmetine silteme jasap.
Prezıdent shaqyrýyn qabyl alyp, elimizge memlekettik saparmen kelgeni jáne Aımaqtyq ekologııalyq sammıtke qatysýǵa nıet bildirgeni úshin Mońǵolııa Prezıdentine alǵys aıtty.
Qasym-Jomart Toqaev 2024 jyly qazanda Mońǵolııaǵa jasaǵan memlekettik saparyn yqylaspen eske alyp, sonyń nátıjesinde kóptegen ýaǵdalastyqqa qol jetkizilgenin, al ekijaqty qarym-qatynas strategııalyq seriktestik deńgeıine kóterilgenin atap ótti.
«Saýda-ekonomıkalyq yntymaqtastyǵymyz nyǵaıa túsýde. Birqatar jetistikter bar. Taýar aınalymy jyldan jylǵa artyp keledi. О́nerkásip salasyna qatysty naqty jobalardy iske qosýdy josparlap otyrmyz. Búgin elordamyzda Qazaq-mońǵol bıznes-forýmy ótedi. Oǵan Mońǵolııadan kelgen kóptegen kompanııalar qatyspaqshy. Biz muny tolyq quptaımyz. Sizdiń de tarapyńyzdan kórsetilgen qoldaýǵa rızashylyǵymdy bildiremin», dedi Memleket basshysy.Byltyr Qazaqstan men Mońǵolııa arasyndaǵy saýda kólemi 7,7 paıyzǵa ósip, 130 mıllıon dollardan asqan.
Ýhnaagıın Hýrelsýh bul sapar nátıjesinde qos halyqtyń dostyǵy men san qyrly yntymaqtastyǵy nyǵaıa túsetinine senim bildirip, Qazaqstandy Mońǵolııanyń Ortalyq Azııadaǵy alǵashqy strategııalyq seriktesi dep atady.
«Dostyq qatynastardy odan ári kúsheıtýge, sondaı-aq saýda-ekonomıkalyq yntymaqtastyǵymyzdyń aıasyn keńeıtýge syrtqy saıasatymyzda erekshe basymdyq beremiz. Sońǵy eki jylda kóptegen ortaq mindetterdi qolǵa alyp, ózara seriktestigimizdi jańa deńgeıge kóterdik. Eki el arasyndaǵy senimdi baılanystardy nyǵaıtýda zań shyǵarýshy organdar aıryqsha ról atqarady. О́zara seriktestik áleýeti zor. Sizdiń 2024 jylǵy elimizge saparyńyz aıasynda Mońǵolııa men Qazaqstan arasyndaǵy saýda-ekonomıkalyq yntymaqtastyqty jandandyrý boıynsha 2025-2027 jyldarǵa arnalǵan jol kartasyna qol qoıylǵan edi. Endigi mindet – ózara taýar aınalymyn 500 mıllıon dollarǵa deıin jetkizý», dedi Mońǵolııa Prezıdenti.Ýhnaagıın Hýrelsýh Qazaqstan Prezıdentin jańa Konstıtýsııany qabyldaý boıynsha jalpyulttyq referendýmnyń tabysty ótýimen quttyqtap, bul tarıhı ýaqıǵa Qazaqstannyń ósip-órkendeýine, zań ústemdigine negizdelgen qoǵam qurýǵa negiz bolatynyna senim bildirdi.
Qazaqstan men Mońǵolııa prezıdentteri shaǵyn quramda kelissóz júrgizdi
Kelissóz barysynda taraptar aýyl sharýashylyǵy, jeńil ónerkásip, sıfrlandyrý, taý-ken, týrızm, kólik-logıstıka, óńiraralyq baılanys baǵyttaryndaǵy ózara tıimdi seriktestik perspektıvasyn talqylady.
Memleketter basshylary bul rette Úkimetaralyq komıssııanyń jumysyn jandandyrý, Astana – Ulan-Batyr, О́skemen – О́lgeı baǵyttaryndaǵy áýe reısterin qaıta ashý, eki el arasynda tóte avtokólik jolyn salý máselesin pysyqtaý maqsatynda Úkimetaralyq jumys tobyn qurýdyń mańyzyna mán berdi.
Qazaqstan Prezıdenti Baıan-О́lgeı aımaǵynda Qazaqstan konsýldyǵyn ashýǵa kórsetken qoldaýy úshin Mońǵolııa Prezıdentine alǵys aıtty.
Budan bólek, kezdesýde eki eldiń bilim berý, mádenıet jáne týrızm salalaryndaǵy yntymaqtastyǵyn ilgeriletý máselesi qarastyryldy.