ALDYŃǴY AǴALAR SENIMIN AQTAIMYZ

Qazaqstan Respýblıkasynyń Tuńǵysh Prezıdenti Nursultan Nazarbaevqa Qazaq eliniń atynan  qatysqan Halyqaralyq matematıkalyq olımpıadalar jeńimpazdary  jedelhat joldady. Onda bylaı delingen: “Qurmetti Nursultan Ábishuly! Táýelsizdik alǵanymyzǵa kelesi jyly jıyrma jyl tolady. Osy ýaqyt ishinde Otanymyz tórtkúl dúnıege tanyldy. Sizdiń “HHI ǵa­syr – bilim-ǵylym ǵasyry” degen ıdeıa­ńyz biz sııaqty  jastardyń bilim alýyna keńinen múmkindik jasady. “Bolashaq” halyqaralyq baǵdarlamasy boıynsha myńdaǵan jastar álemniń órkenıetti elde­ri­niń aldyńǵy qatarly oqý oryn­darynda bilim alyp, qazir elimizdiń órkendeýine úlesterin qosyp júr. Biz bir kezderi dúnıe júziniń órkenıetti elderinde ótken halyq­ara­lyq olımpıadalarǵa qatysqan­da: “Osyndaı mártebege Qazaq eli qashan jetedi eken?” dep oılaı­tynbyz. Sizdiń bastaýyńyzben qaryshtap damyǵan elimiz  qazir dańǵyl jolǵa tústi. Dáýleti men sáýleti teń órkendedi. Sonyń ná­tı­jesinde on jyldan asa ýaqyt ishinde boı kótergen aıbyndy Asta­namyzda 51-shi Halyqaralyq matematıkalyq olımpıada ótip jatyr. Álemniń barlyq qurly­ǵy­nan kelgen júzdegen talantty oqý­shylar bilimderin kórsete otyryp, az ýaqyttyń ishinde tórt quby­la­syn túgendegen Qazaq eliniń tań­ǵajaıyp jetistikterine qyzyǵa qaraýda. Bul bizdiń mereıimizdi ósirip otyr. Atalǵan is-sharanyń ótýi – Sizdiń kóregen saıasa­ty­ńyzdyń arqasynda júzege asyp jatqanyn bizder jaqsy bilemiz. Qazaq eliniń jastary táýel­sizdigimizdiń jıyrma jyldyǵy qarsańynda óz zamandastaryna Otanyn kórsetip, memleketiniń mártebesin asyryp, Elbasynyń seniminen shyǵyp otyr. Siz júrgizip otyrǵan salı­qa­ly saıasattyń arqasynda Qazaq eli tek saıası-ekonomıkalyq tur­ǵy­daǵy qarqyndy damýmen shek­telmeı, sonymen qatar, ǵylym men bilim salasynda bıik jetis­tikterge qol jetkizýde. Onyń dáleli – Qazaqstan oqý­shylarynyń qurama koman­dasynyń elimizde 51-shi ret ót­ki­zilgen Halyqaralyq matema­tı­kal­yq olımpıadada 98 memle­ket­tiń ishinen oza shaýyp, 5-shi orynǵa taban tireýi. Asa mártebeli Nursultan Ábish­uly, Astana toıymen birge ótip jatqan Halyqaralyq mate­ma­tıkalyq olımpıada bizdiń zamandastarymyzdy jiger­len­di­rip, keleshekke degen talpyny­syn arttyrady. Biz Sizdiń kóshbasshylyq saıa­satyńyzdy qoldaımyz. Sol bir kezeńderde osyndaı halyq­ara­lyq olımpıadaǵa qatysýǵa zor múmkindik jasaǵanyńyzdy esh ýaqytta umytpaımyz. Sonyń nátıjesinde biz búgin elimizge bar kúsh-jigerimizdi, bilim-ónerimizdi jumsap kelemiz. Aldaǵy ýaqytta  táýelsiz elimizdiń  máńgilik tuǵyryn bıiktetip,   el men jerge adaldyq tanytyp, aldyńǵy aǵalardyń senimin aqtap, bar kúsh-jigerimizben qyzmet etemiz”. Jedelhatqa Halyqaralyq ma­te­matıkalyq o­lımpıadalardyń je­ńimpazdary men júldegerleri – altyn medal ıegerleri: Álibek Al­dan­ǵarov (2001),  Baýyrjan Bek­te­mi­rov (2001),  Aman Jumekeshev (2001), Igor Ganıchev (2001),  Qýat Esenov (2003, 2004), Kım Andreı (2004), Egor Klochkov (2008), Nur­sultan Qajymuratov (2010), Qa­nat Satylhanov (2010), Denıs Ov­chın­nıkov (2010); kúmis medal ıegerleri: Sergeı Ýmentaev (2001), Baýyrjan Úrgenishbaev (2003), Dánııar Kelbetov (2005),  Nurbol Dúısenbaev (2006),  Igor Stasıı (2007),  Nursultan Qajymuratov (2007, 2008), Erkin Túsipbekov (2008), Raýan Rahmet (2010), Medet Janbolatuly (2010) jáne qola medal ıegerleri: Mıhaıl Shahmatov (1999), Rınat Bekbolatov (1999),  Alekseı Doktorovıch (1999),  Rýstam Temirbekov (1999), Jandos Esenbaev (1999), Shıráli Qadyrov (1999), Ulan Muqashev (2000),  Ánýar Qaýymbaev (2000),  Rústem Tahanov (2000),  Meıram Myrzabolatov (2002), Dáýren Aýjanı (2003), Damır Eleýsizov (2004), Vıktor Sosın (2005), Qaırat Jubaev (2005), Merlan Nagıdýlın (2006), Dáýlet Jangýzın (2006), Áset Musaǵalıev (2006), Álen Baev (2007), Eskendir Qasenov (2008),  Áset Dálıev (2008), Sanjar Oraz­baev (2009), Birjan Moldaǵalıev (2009), Tólebı Saılaýov (2009) qol qoıǵan.