Sońǵy bes jylda Qazaqstanda ana ólimi 35%-ǵa tómendedi. Bul týraly Densaýlyq saqtaý mınıstri Aqmaral Álnazarova Astanada ótken halyqaralyq sessııada málimdedi, dep habarlaıdy Egemen.kz.
Mınıstrdiń aıtýynsha, atalǵan kezeńde ana men bala densaýlyǵynyń negizgi kórsetkishteri aıtarlyqtaı jaqsarǵan. Sondaı-aq náreste jáne perınataldyq ólim deńgeıi de tómendegen. Bul nátıjeler densaýlyq saqtaý júıesindegi reformalar men zamanaýı medısınalyq standarttardy engizýdiń jemisi retinde baǵalanyp otyr.
Sondaı-aq Aqmaral Álnazarova klımat ózgerisiniń densaýlyqqa áseri kúsheıip kele jatqanyn atap ótti. Onyń sózinshe, bul faktor demografııalyq úderisterge jáne medısına júıesiniń turaqtylyǵyna yqpal etip otyr. Temperatýranyń kóterilýi men ekologııalyq ózgerister ınfeksııalyq jáne júrek-qantamyr aýrýlarynyń qaýpin arttyryp, áıelderdiń reprodýktıvtik densaýlyǵyna keri áser etýi múmkin.
Dınara Zákıeva: Jańa Konstıtýsııada ana men balaǵa erekshe qorǵaý qarastyrylǵan
Elimizde ana men bala densaýlyǵyn qorǵaý baǵytynda birqatar jobalar júzege asyrylyp jatyr. Atap aıtqanda, «Analar saýlyǵy» baǵdarlamasy aıasynda júkti áıelderdi erte baqylaýǵa alý kúsheıtilgen. Qazir júkti áıelderdiń 90%-dan astamy 12 aptaǵa deıin esepke alynady.
Budan bólek, «Bir kúndik klınıka» jobasy engizilip, týa bitken aqaýlar men hromosomalyq patologııalar qaýpin der kezinde anyqtaýǵa múmkindik berýde. Joba aıasynda áıelder qysqa ýaqyt ishinde tolyq tekserýden ótip, qajetti keńes alady.
Ana men bala saýlyǵy – eldiń saýlyǵy
Sondaı-aq elimizde jasóspirimderdiń reprodýktıvtik jáne psıhıkalyq densaýlyǵyna qatysty aldyn alý jáne keńes berý jumystaryn júrgizetin jastar densaýlyq ortalyqtary jumys istep keledi.