24 sáýir kúni respýblıkanyń basym bóliginde qubylmaly kún raıy saqtalady. Atmosferalyq frontaldy bólikterdiń ótýine baılanysty jekelegen óńirlerde naızaǵaı oınap, jańbyr jaýady. Soltústik-batys jáne batysta – jaýyn-shashyn, daýyl, tuman, ekpindi jel, batys jáne ońtústikte – shańdy daýyl, burshaq kútiledi, dep habarlaıdy Egemen.kz.
Atap aıtqanda, Qostanaı oblysynyń keı jerlerinde túnde daýyl, tuman kútiledi. Kúndiz basym bóliginde jel 15-23 m/s-qa deıin kúsheıedi.
Qyzylorda oblysynyń keı jerlerinde shańdy daýyl soǵyp, burshaq jaýady, keı jerlerinde jeldiń ekpini 15-23 m/s-qa deıin artady.
Kúndiz Jambyl, Túrkistan, Batys Qazaqstan, Aqtóbe oblystarynyń keı jerlerinde jel 15-20 m/s-qa deıin kúsheıedi. Túrkistan oblysynyń keı jerlerinde daýyl kútiledi, Batys Qazaqstan oblysynda burshaq jaýýy yqtımal.
Atyraý, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde jeldiń kúshi 15-25 m/s-qa deıin kúsheıedi. Atyraý oblysynyń keı jerlerinde shańdy daýyl soǵady, Qaraǵandy oblysynda tuman boljanǵan.
Aqmola oblysynyń keı jerlerinde tuman bolady, burshaq jaýady, 15-20 m/s ekpinde jel kútiledi.
Almaty oblysynyń Jalańashkól aýdanynda jeldiń jyldamdyǵy 15-20 m/s-qa deıin artady.
Kúndiz Pavlodar oblysynyń keı jerlerinde daýyl soǵady, burshaq jaýady, 15-25 m/s jyldamdyqta jel turady dep kútiledi.