Eýropalyq odaq 2026 jylǵy 23 sáýirde Reseıge qarsy sanksııalardyń 20-paketin jarııalady. Atalǵan tizimge engizilgen sýbektiler qatarynda Qazaqstanda tirkelgen United Trading Group kompanııasy da bar, dep habarlaıdy Egemen.kz.
EO derekterine sáıkes, kompanııanyń negizin qalaýshy – Álimjan Bekov nemistiń UrSeCo Handels GmbH & Co. KG kompanııasymen baılanysta bolǵan. Osy arqyly United Trading Group joǵary sapaly hlorly sýtek (HCl) hımııalyq zatyn Reseıge jetkizý shemasyna qatysqan dep kórsetilgen. Bul ónim jartylaı ótkizgishter óndirisinde qoldanylady.
AQSh Reseı munaıyna qatysty sanksııalyq jeńildikterdi 16 mamyrǵa deıin uzartty
Qujatta kórsetilgendeı, hımııalyq zat Germanııadan Qazaqstan arqyly Reseıdiń Siltron jáne Electronsnab kompanııalaryna jetkizilgen. Jetkizý tizbegi Polsha, Túrkııa, Qazaqstan jáne Reseı aýmaqtary arqyly ótken. Osyǵan baılanysty EO tarapynan atalǵan kompanııa sanksııalyq shekteýlerdi aınalyp ótýge kómektesti degen qorytyndy jasalǵan.
Reseı Eýropaǵa gaz jetkizýdi toqtatýy múmkin
Eske sala keteıik, buǵan deıin de Qazaqstanǵa qatysty birqatar kompanııa Eýroodaq sanksııalyq tizimine engizilgen. Atap aıtqanda, 2025 jylǵy aqpanda 16-pakette Kazstanex jáne MetallStan, 2024 jylǵy maýsymda 14-pakette Da Group 22, al 2024 jylǵy aqpanda 13-pakette Elem Group kompanııalary sanksııa tizimine engen.