Tótenshe jaǵdaılar mınıstrliginiń málimetinshe, eldi mekende jaýyn-shashynnyń kóp túsýinen aryq arnasynan asyp ketken. Degenmen, aýyl úshin asa aýyr zardaptardyń aldyn alý múmkin bolǵan, dep habarlaıdy Egemen.kz.
Vedomstvonyń habarlaýynsha, turǵyn úılerdi qorǵaý maqsatynda ınertti materıal salynǵan 1 500 qap tóselgen. Sonymen qatar aryq tereńdetilip, sý arnaıy kanalǵa jáne shabyndyq alqaptarǵa burylǵan. Barlyǵy 1 178 tekshe metr sý soryp shyǵarylǵan.
Saldaryn joıý jumystaryna TJD men jergilikti qyzmetterdiń shamamen 320 mamany, 13 motopompa jáne 17 tehnıka jumyldyrylǵan.
Sý tasqyny: Aqmola oblysynda jaǵdaı qalaı?
Buǵan deıin Shyǵys Qazaqstan oblysyndaǵy Praporshıkovo aýyly turǵyndary da alańdaýshylyq bildirgen. Kóktemgi sý deńgeıiniń kóterilýinen Ertis ózenine jaqyn ornalasqan kóshede topyraq opyrylyp túse bastaǵan.
Turǵyndar úılerdiń ózenge qulap ketýinen qaýiptengen edi. Keıin oblys ákimdigi jaǵdaı baqylaýda ekenin aıtyp, mamandar jaǵalaýdy bekitý jumystaryn jalǵastyryp jatqanyn habarlady.