Temirtaý qalasynda balabaqsha tárbıeshisiniń balaǵa qol kótergeni týraly derekke baılanysty qylmystyq is qozǵaldy. Oqıǵa Aıgólek balabaqshasy mekemesinde bolǵan, dep habarlaıdy Egemen.kz.
Áleýmettik jelide taraǵan aqparatqa sáıkes, búldirshinniń anasy tárbıeshiniń onyń qyzyna kúsh qoldanǵanyn málimdegen. Beınebaqylaý kamerasyna túsken kadrlarda pedagogtyń balany judyryqpen qolynan jáne betinen urǵany anyq kórinedi. Sonymen qatar, jeli qoldanýshylary ekinshi tárbıeshiniń bul jaǵdaıǵa nazar aýdarmaǵanyn jazǵan.
Jetibaı balabaqshasyndaǵy oqıǵa: Polısııa mán-jaıdy túsindirdi
Qaraǵandy oblysy polısııa departamenti málimetinshe, tekserý barysynda 36 jastaǵy tárbıeshi polısııa bólimine jetkizilgen.
Vedomstvonyń habarlaýynsha, atalǵan fakti boıynsha «kámeletke tolmaǵan balany tárbıeleý mindetterin oryndamaý nemese tıisinshe oryndamaý, oǵan qatygezdik kórsetý» baby boıynsha qylmystyq is tirkeldi. Qazirgi ýaqytta oqıǵanyń barlyq mán-jaıy anyqtalyp jatyr.
Balabaqshalardy vaýcherlik qarjylandyrý 1 shildege deıin jalǵasady
Polısııa ókilderi ata-analardan resmı aryz túspegenin de atap ótti.
О́z kezeginde Temirtaý qalalyq bilim bólimi bul jaǵdaıǵa baılanysty arnaıy komıssııa qurylǵanyn málimdedi. Qazir qyzmettik tekseris júrgizilip jatyr.
Balabaqsha men kolledjderde daý-damaıdy retteıtin medıasııa qyzmetteri qurylady