28 sáýirden bastap Astana qalasynyń oqýshylary men jeńildik sanattaryna jatatyn turǵyndar LRT kólik kartasyn rásimdeýge onlaın ótinim bere alady, dep habarlaıdy Egemen.kz.
LRT ataýly kólik kartasyn elordanyń bilim berý uıymdarynyń 7 jastan 18 jasqa deıingi oqýshylary, sondaı-aq qoldanystaǵy zańnamaǵa sáıkes jeńildik sanattaryna jatatyn, Astana qalasynda tirkelgen jáne turaqty turatyn azamattary ala alady.
Kartanyń daıyn bolǵany týraly paıdalanýshy ótinim berý kezinde kórsetken telefon nómirine SMS-habarlama keledi.
Kartany daıyndaý quny − 1200 teńge.О́tinim berý tek onlaın formatta https://transcard.kz resmı saıty arqyly júzege asyrylady. Rásimdeý úshin málimetterdi toltyryp, qajetti qujattardy sıfrlyq formatta tirkeý jáne kartany alý úshin yńǵaıly pýnktti (jaqyn aýdandyq ákimdik) tańdaý qajet.
Astana qalasynyń ákimi LRT-nyń qashan iske qosylatynyn aıtty
Qyzmettiń qoljetimdiligin arttyrý maqsatynda qalanyń 6 aýdandyq ákimdiginde daıyn kartalardy berý oryndary uıymdastyryldy. Daıyn bolǵan kartalar sonda jiberiledi.
Kartany paıdalanýshy ótinim berý kezinde tańdalǵan tıisti aýdandyq ákimdikten alady.
LRT jelisinde 15 poıyz qatynaıdy
LRT ataýly kólik kartasy tek LRT-men júrýge arnalǵan jáne qalalyq baǵdarlarǵa jaramsyz.
Bir rettik bıletter LRT iske qosylǵannan keıin berilediBasqa jolaýshylar úshin jol júrýge arnalǵan kólik kartalary men bir rettik bıletter LRT iske qosylǵannan keıin stansalarda qoljetimdi bolady.
«Sondaı-aq, kassaǵa júginbeı týrnıketterden ótýge múmkindik beretin balamaly tólem tásilderi qarastyrylǵan. Tólem tásilderi týraly qosymsha habarlanady», delingen City Transportation Systems habarlamasynda.