Elimizde mádenı mura nysandaryna qatysty vandalızm faktileriniń kóbeıýine baılanysty olardy qorǵaý men paıdalaný tártibin retteıtin jańa qaǵıdalar bekitildi. Qujatqa Mádenıet jáne aqparat mınıstri Aıda Balaeva qol qoıdy, dep habarlaıdy Egemen.kz.
Jańa erejege sáıkes, tarıhı-mádenı mura obektilerin qorǵaýmen aınalysatyn uıymdar endi jergilikti atqarýshy organdardyń sheshimimen kommýnaldyq memlekettik mekeme retinde qurylady. Olardyń negizgi mindeti – tarıhı eskertkishterdiń saqtalýyn qamtamasyz etý, ǵylymı zertteýler júrgizý, monıtorıng jasaý jáne jańa eskertkishterdi ornatýǵa qajetti qujattardy ázirleý.
Materıaldyq emes mádenı murany saqtaýdyń jańa tásilderi
Atalǵan uıymdar mura nysandary boıynsha qujattamany júrgizip, olardyń tehnıkalyq jaǵdaıyn jyl saıyn tekserip otyrady. Sonymen qatar kórmeler, dárister, ekskýrsııalar uıymdastyryp, ǵylymı jáne halyqaralyq uıymdarmen yntymaqtastyq ornatady.
Elimizde mádenı murany qorǵaý jónindegi mamandardy daıarlaý kúsheıtiledi
Budan bólek, qurylymdar tarıhı nysandardy jergilikti jáne respýblıkalyq mańyzy bar eskertkishter tizimine engizý boıynsha usynystar ázirleýmen, qorǵaý aımaqtaryn belgileýmen, restavrasııa jumystaryn júrgizýmen jáne qorǵaý sharttaryn jasasýmen aınalysady.