Elbasy Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti, dep habarlady Qazaqstan Prezıdentiniń baspasóz qyzmeti.
Qazaqstan men Reseı kóshbasshylary Ýkraınadaǵy qazirgi ahýaldy talqylap, jalpy alǵanda, qaqtyǵys aýmaǵynda oq atýdy toqtatýǵa qol jetkizilgenin atap ótti.
Memleket basshylary Ýkraına daǵdarysyn retteý úshin
12 aqpandaǵy Mınsk kelisimderin oryndaýdyń mańyzdylyǵyna toqtaldy.
Sondaı-aq, Qazaqstan-Reseı yntymaqtastyǵy men eýrazııalyq ekonomıkalyq yqpaldastyq aıasyndaǵy ózara is-qımyldyń ózekti máseleleri de qarastyryldy.
Sońynda V.Pýtın Qazaqstan, Belarýs jáne Reseı prezıdentteriniń naýryz aıyna josparlanǵan Astanadaǵy úshjaqty kezdesýine qatysýǵa nıetti ekenin aıtty.