Elimizde notarıýstardyń jumysyna qatysty talaptar kúsheıtiledi. Endi qyzmet alýshylardyń jeke derekterin negizsiz paıdalanǵan notarıýstar lısenzııasynan aıyrylady. Bul týraly Májilistiń jalpy otyrysynda Ádilet vıse-mınıstri Botagóz Jaqselekova aıtty, dep habarlaıdy Egemen.kz.
Parlament talqylaýynda depýtat Aına Musralımova notarıýstar azamattardyń jeke derekterine qol jetkizýi jáne olardy ruqsatsyz qaraǵan jaǵdaıda qandaı jaýapkershilik qarastyrylatyny jónindegi suraq joldady.
Vedomstvo ókiliniń aıtýynsha, jańa Sıfrlyq kodeks aıasynda derbes derekterdi qorǵaý talaptary kúsheıtilgen.
«Shynynda da, qazir biz jeke derekterdi qorǵaý máselesine úlken kóńil bólip otyrmyz. Sondyqtan bizdiń zań jobamyzda da lısenzııalyq baqylaýdan keıin qosymsha sharalar qarastyrylǵan. Eger notarıýs óz ókilettigin paıdalanyp, aqparattyq júıege negizsiz kirip, azamattardyń derekterin qajetsiz jáne zańdy negizsiz qarasa nemese paıdalansa, biz bul jaǵdaıda jaýapkershilikti kúsheıtýdi qarastyrdyq. Ol tipti lısenzııany ýaqytsha toqtatý nemese odan aıyrýǵa deıin barady», dedi Botagóz Shaımardanqyzy.
Depýtat salyq rejımi boıynsha el aýmaǵynda biryńǵaı mólsherleme engizýdi usyndy
Eske sala keteıik, Májilistiń jalpy otyrysynda depýtattar Salyq kodeksine ózgerister engizý týraly zań jobasyn birinshi oqylymda maquldady.