«Men shaǵyn baıandamamda óz kózqarasymdy jetkizdim. Ony bilikti tarıhshylar men mádenıettanýshylardyń, quqyqtanýshylardyń Eýrazııa keńistigindegi tarıhı úderisterdiń túrli aspektisine qatysty kásibı talqysyna salýǵa bolady dep oılaımyn. Alaıda bul aqparatty bura tartatyn saýatsyzdarǵa qol emes», dedi Prezıdent.
Memleket basshysy maýsym aıynyń alǵashqy onkúndiginde III Arhıvshiler kongresi ótetinin atap ótti.
«Bıylǵy basqosý jappaı sıfrlandyrý men jasandy ıntellekt dáýirinde tarıhı-mádenı jáne derekti murany saqtaý máselesine arnalady. Biz – mádenıetimiz áralýan, baýyrmal ári keńpeıil halyqpyz. Eýrazııa keńistiginde mańyzdy oryn alatyn jáne atalǵan sýbkontınentte jan-jaqty qaýipsizdik júıesin qalyptastyrýǵa atsalysyp jatqan progressıvti, beıbitsúıgish el retinde Qazaqstannyń halyqaralyq bedelin arttyrý úshin osy mádenı erekshelikti jan-jaqty dáripteýdiń máni zor. Sonymen qatar jastarymyzdy jańa geosaıası jáne geoekonomıkalyq jaǵdaıdaǵy qatań, tipti, qatigez básekeles ortada barynsha tabysqa jetýge qazirden bastap daıarlaýymyz kerek. Bul – bizdiń basty mindetimiz» dedi Prezıdent.
Eske sala keteıik, Memleket basshysy mádenıet jáne óner qyzmetkerlerin marapattaý rásiminde sóz sóılep, «Asyl mura» ulttyq syılyǵy taǵaıyndalatynyn aıtty.