Premer-mınıstr Oljas Bektenov qaldyqtardy energııaǵa aınaldyrý salasyndaǵy QHR men Ortalyq Azııadaǵy iri jobalardy júzege asyrý tájirıbesi bar jetekshi qytaılyq kompanııalardyń biri – Hunan Junxin Environmental Protection Co., Ltd kompanııasynyń dırektorlar keńesi tóraǵasy Daı Daogomen kezdesý ótkizdi, dep jazady Egemen.kz.
Kezdesý buǵan deıin ótkizilgen dıalogtiń jalǵasy boldy, onyń qorytyndysy boıynsha Almaty qalasynda qaldyqtardy energetıkalyq kádege jaratý týraly ınvestısııalyq kelisim jasaldy.
Birlesken ınvestısııalyq jobany júzege asyrý barysy talqylandy: ınvestısııalardyń jalpy kólemi 145,5 mlrd teńgeni quraıdy.
Qazaqstanda jylyna 10 mln tonna munaı óńdeıtin tórtinshi zaýyt salynady
Premer-mınıstr Oljas Bektenov júzege asyrylyp jatqan jobanyń mańyzdylyǵyn atap ótip, elimizdiń jańa Konstıtýsııasynda bekitilgen basymdyqtardyń biri – qorshaǵan ortany qorǵaý ekenin atap ótti. Osyǵan baılanysty Úkimettiń aldynda ınvestısııalar men ozyq tehnologııalardy tarta otyryp, ekologııalyq jańǵyrtýǵa baǵyttalǵan naqty jobalardy júzege asyrý mindeti tur.
«Elderimizdiń kóshbasshylary – Qazaqstan Prezıdenti Qasym-Jomart Toqaev pen Qytaı Halyq Respýblıkasynyń Tóraǵasy Sı Szınpın myrza bizge ekonomıkalyq qatynastardy damytý úshin zor múmkindikter jasap otyr. Qytaı Halyq Respýblıkasy – bizdiń negizgi saýda-ekonomıkalyq seriktesterimizdiń biri. Hunan kompanııasynyń Qazaqstan naryǵyna kelýin quptaımyz jáne birlesken jobalarǵa jan-jaqty qoldaý kórsetýge daıynbyz. Bizdiń byltyrǵy kezdesýimiz barysynda elimiz úshin osy mańyzdy jobaǵa jaqsy serpin berilgen bolatyn», dep atap ótti Oljas Bektenov.
Dırektorlar keńesiniń tóraǵasy Daı Daogo 29 mamyrda qurylys jumystarynyń bastalatynyn habarlady. Nysan eki jyl ishinde paıdalanýǵa beriledi dep josparlanýda. Joba TQQ óńdeýdiń anaǵurlym zamanaýı modelin engizýdi kózdeıdi – ıaǵnı olardy keıinnen elektr energııasyna aınaldyra otyryp qaıta óńdeý qarastyrylǵan. Zaýyttyń iske qosylýy jylyna shamamen 200 myń tonna CO₂ shyǵaryndylaryn azaıtýǵa, polıgon kólemin jyl saıyn shamamen 800 myń tekshe metr únemdeýge jáne «jasyl» energııany turaqty óndirýge yqpal etedi. Kásiporyn táýligine 2 myń tonnaǵa deıin qaldyqty óńdep, 60 MVt-qa deıin elektr energııasyn óndire alady. Qurylys kezeńinde keminde 700 ýaqytsha jumys orny qurylady, al zaýyt iske qosylǵannan keıin 120 turaqty jumys orny ashylady.
«Biz eki jyl ishinde barlyq jumystardy tolyq aıaqtaıtynymyzǵa senimdimiz. Qazaqstan Prezıdenti men Úkimeti tarapynan eldiń «jasyl» damýyna qatysty úlken jumystar júrgizilip jatqanyn kórip otyrmyz. Biz Qazaqstannyń «jasyl» damýyna jáne ınvestısııa tartýǵa naqty úles qosatyn iri joba bolý úshin umtylyp, sol baǵytta jumys istep jatyrmyz», dedi dırektorlar keńesiniń tóraǵasy Daı Daogo.
Joba sonymen qatar senimdi elektrmen jabdyqtaýdy, sıfrlyq sheshimder úshin energııany paıdalanýdy jáne qysta ónerkásiptik tutynýshylar men qalalyq qajettilikterge taza jylý berýdi qamtamasyz etetin úsh «jasyl» ortalyqty qurýdy kózdeıdi. Budan bólek, tehnologııalardy engizýge, qosalqy bólshekter óndirisin lokalızasııalaýǵa, jergilikti mamandardy daıarlaýǵa jáne ekologııalyq mádenıetti arttyrýǵa baǵyttalǵan úsh bazany qalyptastyrý josparlanyp otyr.
Almaty oblysynda qaldyqtardy qaıta óńdeıtin 8 jańa zaýyt boı kóteredi
Kezdesý qorytyndysy boıynsha Premer-mınıstr Oljas Bektenov salalyq memlekettik organdarǵa jobany ýaqtyly paıdalanýǵa berý úshin odan ári súıemeldeýdi qamtamasyz etýdi tapsyrdy.
Aıta keteıik, Qazaqstanda jylyna 10 mln tonna munaı óńdeıtin tórtinshi zaýyt salynady.