Májilistiń jalpy otyrysynda «AMANAT» partııasy fraksııasynyń múshesi Ábýtálip Mútáli Qazaqstannyń halyqaralyq tranzıttik áleýetin tıimdi paıdalaný jáne kólik-logıstıkalyq ınfraqurylymdy damytý máselesin kóterdi, dep habarlaıdy Egemen.kz.
Depýtattyń sózinshe, 2025 jyldyń qorytyndysy boıynsha tranzıt kólemi 36,9 mln tonnaǵa jetken.
Qazaqstannyń halyqaralyq tranzıt salasynda aıtarlyqtaı ósý áleýeti bar. Qazirgi ýaqytta biz jahandyq tasymaldaýdan mıllıardtaǵan dollar joǵaltyp jatyrmyz. Bizdiń elimiz halyqaralyq tranzıt úshin jaı ǵana «dáliz» bolyp qaldyrýǵa bolmaıdy. Bizdiń strategııalyq mindet – «dálizge óndiris, sıfrlyq servıster jáne eksportty qosyp» qosymsha qundy qalyptastyrý modeline kóshý bolý kerek. Bul tásil elimizdiń tabysyn birneshe ese arttyrýǵa múmkindik beredi», dedi Á.Mútáli.
Depýtat «Taza Qazaqstan» jalpyulttyq qozǵalysyn qurýdy usyndy
Onyń aıtýynsha, qazirgi ýaqytta júzege asyrylyp jatqan Smart Cargo, logıstıkalyq pasport, qaǵazsyz qujat aınalymy sekildi jobalardyń bir-birimen tolyq ıntegrasııalanbaǵan. Osyǵan baılanysty depýtat ındýstrııalyq-logıstıkalyq habtardyń biryńǵaı ekojúıesin qalyptastyrýdy usyndy.
«Halyqaralyq tájirıbe básekege qabilettilik tranzıtpen emes, onyń aınalasyndaǵy qosylǵan qundy qalyptastyrýmen qamtamasyz etiletinin rastap otyr. Mysaly, Djebel-Alı porty (BAÁ), Týas porty (Sıngapýr) jáne Dýısbýrg porty (Germanııa) ındýstrııalyq-logıstıkalyq ekojúıe retinde jumys isteıdi, munda júkterdi óńdeý, jınaý, qaptaý, tańbalaý, sertıfıkattaý, olardyń servısi men keri eksporty júzege asyrylady», dedi depýtat.
Depýtat bylapyt sóz qoldanylatyn trenıngterge baǵa berýdi talap etti
Budan bólek ol kólik-logıstıkalyq salany úılestiretin biryńǵaı ortalyq qurýdy usyndy.