ASTANA. Aqpannyń 27-nen 28-ne qaraǵan túni Máskeý qalasynyń ortalyǵynda belgili saıasatker Borıs Nemsov óltirildi. Bul týraly «Kommersant» habarlady.
«Jumadan senbige qaraǵan túni Máskeýdiń ortalyǵynda Reseıdiń sońǵy 25 jyldaǵy eń tanymal saıasatkerleriniń biri Borıs Nemsov óltirildi. Ol atqaratyn qyzmetiniń qandaı bolǵanyna qaramastan, saıasatta da, qoǵamdyq ómirde de orasan zor rol atqardy», - dep jazady basylym.
«Borıs Nemsovtyń ómirbaıanyna qaraı otyryp, keńestik kezeńnen keıingi Reseıdiń tarıhyn zertteýge bolady. О́ziniń kúsh-qýatynyń jáne adamdarmen sóılese bilý qabiletiniń arqasynda alǵashqy tolqyndaǵy demokrat aldymen depýtat, sosyn Tómengi Novgorod oblysynyń gýbernatory boldy. Elsınniń birinshi shaqyrýyndaǵy basqarmashy óziniń alǵashqy qatelikterinen qorytyndy shyǵaryp, sol arqyly basqalardy da tárbıeledi. Gýbernator retinde Sheshenstandaǵy soǵysqa baılanysty federaldy ortalyqtyń saıasatyna qarsy shyqty», - delingen habarlamada.
Reseı prezıdenti Vladımır Pýtın belgili saıasatkerdiń otbasyna qaıǵyryp kóńil aıtty. Ol bul oqıǵany «áldekimderdiń qasaqana jasaǵan arandatýshylyǵy» dep baǵalady. Reseı prezıdenti Borıs Nemsovtiń ólimine baılanysty barlyq izdestirý jumystarynyń óziniń baqylaýynda bolatynyn málimdedi.
Murat Aıtqoja.