PETROPAVL. 28 aqpan. Sońǵy kezderi qala turǵyndary tarapynan «Turǵyn úı-kommýnaldyq sharýashylyqty jańǵyrtý» baǵdarlamasynyń sapasyz júrgizilýine baılanysty kóp syndar aıtylyp keledi. Bul týraly egemen.kz tilshisi habarlady.
Byltyr ul salaǵa respýblıkalyq qazynadan 777 mıllıon teńge baǵyttalǵanymen, shalaǵaı atqarylǵan jumystardyń saldarynan birqatar qurylys merdigerlerimen shartty úzýge týra kelgen. 45 kóp qabatty úıdiń 39-nyń jóndeýi aıaqtalǵanymen, 6 úıdi qalpyna keltirý ldaǵy jylytý maýsymyna deıin shegerilgen. Bul jóninde «Nur Otan» partııasy depýtattar fraksııasynyń májilisinde esep bergen turǵyn úı ınspeksııasynyń jetekshisi Dáýlet Qalıasqarov baıandady.
Máselen, 2-shi Zarechnaıa kóshesinde ornalasqan 58-shi úıdiń turǵyndary «Kazteplomontaj» JShS-men kelisim-shartty toqtatýlaryna týra kelgen. О́ıtkeni, jóndeý jumystary kezinde eki páterdi sý alyp ketken. Onyń aqyry 900 myń teńge ótemaqy tóleýge soqtyrǵan. Jóndeý jumystaryn jalǵastyrý «Mekona» seriktestigine júktelgen.
«Jılmassıv» merdigerlik kompanııasy Internasıonal kóshesindegi 68-shi úıdiń turǵyndaryna 450 myń teńge ótemaqy tóleýine májbúr bolǵan. Sebebi jóndeý jumystary atústi atqarylyp, adamdardyń narazylyǵy jıilep ketken.
– Petropavldyqtardy turǵyn úı-kommýnaldyq sharýashylyq salasynda qordalanyp qalǵan máseleler qatty tolǵandyrady. Ony biz olarmen ótkizgen 12 kezdesý barysynda baıqadyq. Aryzdardyń denshiligi merdigerlerdiń sapasyz jumystaryna kelip tireledi, deıdi qalalyq máslıhattyń depýtaty Vıktor Lı.
О́mir Esqalı.
Derek: egemen.kz.
Sýret: ueikh.sko.gov.kz.