Túlekterge tósbelgi tabys etildi

«Búgin biz úzdik túlekterdi ǵana emes, týǵan ólkemizdiń kóz qýanyshy men maqtanyshyn ulyqtaýǵa jınalyp otyrmyz. On bir jyl boıy talmaı izdenip, bilim jolynda aıanbaı eńbek etip, shákirttik kezeńniń eń bıik belesi – «Altyn belgi» tósbelgisin ıelengen shákirtterdi shyn júrekten quttyqtaımyn! Bul marapat – sizderdiń ǵana emes, sapaly bilim men sanaly tárbıe bergen ustazdaryńyzdyń, árdaıym qoldaý kórsetken ata-analaryńyzdyń ortaq jeńisi men ortaq mereıi. Memleket basshysy Qasym-Jomart Toqaev «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda «Jastar «Eldi súıý degenimiz – halyqqa paıdasy tıetin jańa­lyq ashý, jańa is bastaý» dep túsi­ne­di. Olar Qazaqstandy damyǵan, kórkeıgen memleket retinde kórgisi keledi. Zamanaýı tehnologııalardy meńgerip, halqymyzdy ozyq oıly ulttardyń qataryna qosýǵa talpynady», dep jastarǵa úlken senim men bıik úmit artyp otyr. Sizder osy úmittiń údesinen shyǵady dep senemiz. Qanattaryńyz talma­syn, armandaryńyz asqaq bolsyn», dedi Berik Ýálı.

О́tken oqý jylynda oblys kóleminde 362 oqýshy «Altyn belgi» ıegeri atansa, bıyl bul kórsetkish 432-ge jetti. Osy jyly óńirde 6 065 túlek mektep bitirip otyr. Al olardyń sapaly bilim alyp, sanaly azamat bolyp qalyptasýyna 12 myńnan astam muǵalim úles qosty. Jalpy 2025–2026 oqý jylynda Semeı qalasyndaǵy 53 memlekettik, 8 jekemenshik, 2 mamandandyrylǵan mektepti jalpy sany 51 276 oqýshy aıaqtady. 11-synypty bitirgen 22 854 túlektiń 160-sy «Altyn belgi» ıegeri atansa, 231 túlek mektepti úzdik attestatpen aıaqtady.

Oblysta daryndy oqýshylarǵa qoldaý kórsetilip keledi. Bıyl joǵary oqý ornyna túsýge ob­lystyq bıýdjetten qarjy qa­ras­tyrylyp, óńirdiń 200 túle­gine oblys ákiminiń granty bólindi. Osyndaı grant byltyr da berilgen.

Sondaı-aq jıynda oblystyń bilim salasyna eleýli úles qos­qan muǵalimderge de qurmet kórsetildi. Atap aıtqanda, Semeı qalasynyń №8 jalpy orta bi­lim beretin mektebiniń orys tili men ádebıeti pániniń muǵalimi Raı­han Ábisheva, Jarma aýdany­nyń Aqtaılaq bı atyndaǵy jalpy orta bilim beretin mekte­bi­niń orys tili men ádebıeti pániniń muǵalimi Maıra Jan­dil­dınova, Besqaraǵaı aýdanynyń Dolon negizgi bilim beretin mek­tebiniń tarıh pániniń muǵalimi Janar Omarálına, Semeı qala­sy­nyń №49 jalpy orta bilim beretin mektebiniń matematıka pániniń muǵalimi Gúlfarıza Toqtybaeva «Qurmet» ordeni­men marapattaldy. Sondaı-aq Semeı qalasynyń Baýyrjan Momyshuly atyndaǵy № 34 jalpy orta bilim beretin mektebi­niń qazaq tili men ádebıeti páni­niń muǵalimi Nurlan Jolbary­sov pen Abaı aýdanynyń Bekbo­sy­nov atyndaǵy jalpy orta bilim beretin mektebiniń matematıka pániniń muǵalimi Baqyt Tileý­baı­ǵa «Eren eńbegi úshin» medali tabystaldy.

Abaı oblysy