Qazaqstan Respýblıkasy Memlekettik qyzmet isteri agenttiginiń bastamasymen «Sıfrlandyrý men jasandy ıntellekt dáýirindegi Adam. Áleýet. Qoǵamdyq qundylyq» taqyrybynda forým bastaldy. Is-shara memlekettik basqarý salasynyń kóshbasshylaryn, IT mamandaryn, HR praktıkteri men sıfrlandyrý salasyndaǵy sarapshylardy biriktire otyryp, memlekettik basqarý júıesindegi kadrlyq úderisterdi transformasııalaý máselelerinde zamanaýı tehnologııalar men ınnovasııalyq sheshimderdi engizý boıynsha konstrýktıvti dıalog júrgizýge múmkindik beredi, dep habarlaıdy Egemen.kz.
Halyqaralyq GovHR forýmy Memleket basshysy Qasym-Jomart Toqaevtyń quttyqtaý hatymen ashyldy.
Memleket basshysynyń quttyqtaý hatynda memlekettik basqarý salasyn sapalyq turǵydan jáne adam resýrstaryn jan-jaqty damytý tutas halyqaralyq qaýymdastyqqa ortaq ózekti máseleler ekendigi aıtylyp, «Biz memlekettik qyzmet júıesinde merıtokratııa qaǵıdatyn ornyqtyrýǵa, ashyqtyqty qamtamasyz etýge, joǵary kásibı etıkany jáne sybaılas jemqorlyqqa qarsy sana-sezimdi dáriptep, adaldyq mádenıetin qalyptastyrýǵa basa mán beremiz. Biregeı jıyn barysynda sıfrlandyrý men jasandy ıntellekt dáýirindegi orasan zor múmkindiktiń arqasynda adam kapıtalyn kúsheıtýge, memleket tarapynan kórsetiletin qyzmetterdiń deńgeıin meılinshe arttyrýǵa yqpal etetin tyń tásilder usynylady dep senemin», delingen.
Forýmǵa GRECO Prezıdenti Devıd Meıer, BUU Damý baǵdarlamasynyń Qazaqstandaǵy turaqty ókili Katarjına Vavernıa, Chernogorııa Memlekettik basqarý mınıstri Marash Dýkaı, Japonııanyń Ulttyq kadr basqarmasynyń halyqaralyq ister jáne oqytý jónindegi bas dırektory Mıo Maeda, Túrkııa Respýblıkasy Prezıdenti Bas hatshylyǵynyń kadr máseleleri jáne qyzmet qaǵıdattary jónindegi bas dırektory Bılal Shentıýrk, Bosnııa jáne Gersegovına Federasııasy Memlekettik qyzmet agenttiginiń dırektory Refık Begıch, Portýgalııa Respýblıkasy Sybaılas jemqorlyqqa qarsy ulttyq mehanızminiń (MENAC) tóraǵasy Joze Antonıý Mýrash Lopesh, sondaı-aq BAÁ, Rýmynııa, Qytaı, Gankong, Ulybrıtanııa, Ázerbaıjan, Armenııa, Iordanııa, Kıpr, Qyrǵyzstan, Mońǵolııa, Tájikstan, О́zbekstan, Túrkimenstan, Fınlıandııa, Sıngapýr sııaqty áriptes elder men otandyq ýákiletti organdarynyń basshylary, jetekshi mamandar jáne sarapshylar qatysyp jatyr.
Memleket basshysy aýqymdy sıfrlandyrý strategııasyn bekitti
Is-sharada Agenttik tóraǵasy Darhan Jazyqbaı forýmnyń memlekettik qyzmetti damytýǵa baǵyttalǵan ınnovasııalyq sheshimderdi qalyptastyrýdaǵy mańyzyn atap ótti.
Sonymen qatar, elimizde júrgizilip jatqan konstıtýsııalyq jáne ınstıtýsıonaldyq reformalarǵa toqtalyp, adam quqyqtary men onyń múddelerin eń joǵary qundylyq retinde bekitken Halyqtyq Konstıtýsııanyń jańa memlekettik basqarý fılosofııasyn aıqyndaǵanyn aıtty.
Darhan Jazyqbaı Konstıtýsııada adam kapıtalyna, bilim men ǵylymǵa, ınnovasııaǵa basymdyq berilgenin atap ótti. Onyń aıtýynsha, memlekettik qyzmet patrıotızm, kásibılik, ashyqtyq, ádeptilik jáne klıentke baǵdarlaný sııaqty qundylyqtarǵa negizdelgen jańa mádenıetke kóship jatyr.
EAEO-ǵa múshe memleketter basshylary Eýrazııa ekonomıkalyq forýmy aıasyndaǵy kórmeni tamashalady
Sondaı aq memlekettik qyzmetke irikteý, ótkerý jáne kadrlyq prosesterdi sıfrlandyrýdaǵy reformalarǵa toqtaldy. Máselen konkýrstyq rásimder tolyq sıfrlyq formatqa kóship, irikteýdi ótkizý merzimderi 23-30 jumys kúninen 5-7 jumys kúnine deıin qysqartyldy. Azamattardyń konkýrsqa qatysý deńgeıi dástúrli irikteý júıesimen salystyrǵanda 3,5 esege artqan. Jańa zańda «B» korpýsy qyzmetshileri úshin gorızontaldy mansaptyq ilgerileý, laýazymdyq jalaqylardy keminde úsh jylda bir ret mindetti túrde ındeksteý, laýazym úsh aıdan astam ýaqyt boıy bos turǵan jaǵdaıda konkýrsty avtomatty túrde jarııalaý qarastyrylǵan.
«Sıfrlandyrý jáne jasandy ıntellekt jyly» aıasynda Alem.cloud ulttyq sýperkompıýteri men 100-den astam avtomattandyrylǵan agenti bar memlekettik jasandy ıntellekt platformasy iske qosyldy. AI Qyzmet baǵdarlamasy aıasynda 52 myńnan astam ákimshilik memlekettik qyzmetshi oqytýdan ótti.
Memleket basshysynyń «Halyq únine qulaq asatyn memleket» tujyrymdamasyna sáıkes azamattardyń pikirleri memlekettik organdar qyzmetiniń tıimdiligin aıqyndaıtyn kórsetkish retinde baǵalanady. Sondaı-aq Agenttik júzege asyryp otyrǵan qashyqtyqtan monıtorıng nátıjesinde ótken jyly 2 600-den astam azamattyń quqyqtary qalpyna keltirilgeni atap ótildi.
Kókshetaýda «Aqmola Urban Forum» respýblıkalyq forýmy ótti
Sonymen qatar Agenttik tóraǵasy halyqaralyq uıymdardyń standarttaryna sáıkes aldaǵy 5 jylǵa arnalǵan sybaılas jemqorlyqqa qarsy kúres boıynsha jańa strategııalyq qujatty ázirleý jumystary bastalǵanyn aıtty. Bul qujat sybaılas jemqorlyq táýekelderiniń aldyn alýǵa, múddeler qaqtyǵysyn tıimdi basqarýǵa jáne sybaılas jemqorlyqqa qarsy mádenıetti damytýǵa baǵyttalady.
20 elden kelgen 50-den astam sarapshy HR prosesterdi jetildirý, sıfrlandyrý men jasandy ıntellektini basqarý isine engizý, sybaılas jemqorlyqtyń aldyn alý men qyzmetterdiń sapasyn arttyrýǵa baǵyttalǵan sessııalarda pikir almasady.
GovHR forýmy – memlekettik kadr qyzmetin jetildirýge, zamanaýı HR quraldaryn engizýge jáne adamı resýrstardy basqarý júıesin jańa sapalyq deńgeıge kóterýge baǵyttalǵan mańyzdy halyqaralyq alań.