PAVLODAR. 15 mamyr. Oblys boıynsha memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmeti Baıanaýyl memlekettik ulttyq tabıǵı parkiniń dırektory Bolat Rahmetov pen atalmysh parktiń bólim basshysy Qasymtaı Imanovtyń tutqyndalǵanyn rastady. Bul týraly egemen.kz tilshisi habarlady.
Ekibastuz-Baıanaýyl aýdanaralyq basqarmasynyń sybaılas jemqorlyqqa qarsy qyzmetiniń mamandary ótkizgen jasyryn sharalarynyń nátıjesinde memlekettik ulttyq tabıǵı parki respýblıkalyq memlekettik mekemesiniń basshysy Bolat Rahmetov pen atalmysh parktiń bólim basshysy Qasymtaı Imanov 500 myń teńge kóleminde para alý ústinde tutqyndaldy. Olar jer ýchaskesin jalǵa bermekshi bolyp, aqsha talap etken kórinedi. Qazir bul oqıǵa boıynsha sotqa deıingi tergeý júrgizilip jatyr.
Farıda Byqaı.
Derek, sýret: egemen.kz