ASTANA. 16 mamyr. Eki jyl buryn Boston marafony kezinde jarylys uıymdastyrdy dep aıyptalǵan Djohar Sarnaevqa sot úkimi shyqty. Boston qalasynyń alqabıler soty 21 jastaǵy Sarnaevty kináli dep tanyp, ony ólim jazasyna kesti. Bul týraly euronews.com habarlady.
Eń aýyr jaza týraly sheshimdi sot prosesine qatysýshylar biraýyzdan qabyldady. Aıyptalýshy tarap sot úkimin 14 saǵat kútkenin aıta keteıik. AQSh-tyń Bas prokýrory Loretta Lınch Sarnaevqa qatysty shyǵarylǵan úkimdi ádil dep esepteıdi.
Esterińizge sala keteıik, aǵaıyndy Tamerlan jáne Djohar Sarnaevtar 2013 jyldyń sáýir aıynda dástúrli Boston marafony kezinde jarylys uıymdastyrdy. Nátıjesinde 3 adam qaza taýyp, 264-i ártúrli deńgeıdegi jaraqat aldy. Ustaý operasııasy kezinde Tamerlan Sarnaev qaza taýyp, Djohar qolǵa tústi.
Osy jyldyń sáýir aıynda alqabıler soty uzaq keńesten keıin Djohar Sarnaevty oǵan taǵylǵan aıyptardyń 30 pýnkti boıynsha aıypty dep tapqan bolatyn.
Elaman Qońyr.
Derek: euronews.com.
Sýret: delfi.ee.