Bul – usaq-túıek emes

Kókshetaý ejelden elimizdiń soltústik aımaǵyndaǵy esti, basty sanalǵan eńseli shaharlarymyzdyń biri edi. Ulttyq sharalar da, ultjandy dástúrler de osy qaladan bastaý alyp jatatyn. Alaıda, táýelsizdik jyldary osy qalanyń burynǵy eljandy belsendiligi tómendep, patrıottyq sezimi samarqaýlanyp qalǵan sekildi. Petropavldan kele jatsańyz shahar­dyń teristik qaqpasynan kiresiz. Osy jerde aldyńyzdan úlken kópir kezdesedi. Sol kó­pirge shyqsańyz, Omby jolyna túsetinińizdi eki birdeı taqtaǵa, eki tilde, eki bólek jerge jazyp qoıypty. Al osy kópir arqyly Astanaǵa da shyǵyp ketýge bolatyny esh jerde kórsetilmegen. Eki birdeı taqta tek Ombyny ǵana kórsetip turǵan soń, As­tanaǵa shyǵaratyn jol basqa eken dep oılaǵanbyz, sóıtsek, Kókshetaýdyń sheneýnikteri elimizdiń bas qa­lasyna osy kó­pir shyǵaratynyn kórsetýdi «umytyp» ketipti. Soǵan qara­ǵan­da, bularǵa Astanadan góri Omby mańyzdyraq sekildi kórinip qaldy... Osydan keıin kókshelik sheneýnikterdiń eljandylyǵy kemshin be dep oılaýǵa qaqymyz bar ma? Bizdińshe, bar. Odan ári... Kókshetaýdyń ortasymen júrip kele jatyp, shahar­dyń ishinen Astanaǵa shyǵaratyn jol myna jaqta dep kórsetken birde-bir baǵdar tildi taba al­madyq. Buǵan da tańǵalmasqa lajyń joq. Kókshetaý aýyl-aımaq emes, ájeptáýir qala, tipti, oblys ortalyǵy emes pe? Endeshe, adamdarǵa barynsha yńǵaıly bolý jaǵy eskerilýi kerek edi ǵoı. Petropavl jaqtan keletin jolǵa Kókshetaýdyń aýmaǵynan 10-15 shaqy­rymdaı alystaǵy aq taqtanyń fonyna «Kókshetaý» dep jazyp qoıylǵan. Munysy – qalaǵa áli birshama qashyq bolsa da saǵatyna 60 shaqyrymmen tepeńde degendi bildiredi. Al óıt­peseń, ańdyp turǵan «jol-poldar» joq jerden shyǵa kelip, jolyńdy kesedi... Al joǵarydaǵy suraqtardy qoısańyz, «biz bil­meımiz, ony ákimdikke aıtyńyz», dep at-tondaryn ala qashady. Osylar usaq dúnıe sııaqty, alaıda, osyndaı usaq-túıekten elge degen, jerge degen súıispen­shilik oıanatynyn nemese, ke­risinshe, jekkórýshilik týatynyn kók­shetaýlyq sheneýnikter eskerse eken deımiz. Sonymen birge, jol polısııasy qyzmetkerlerine aıyppul salýdan bólek, sypaıy, ádepti, eljandy bolý jaǵyn da eskertip otyrý artyq bolmas edi. Áıtpese, astanalyq nómirdi kórse boldy, júgire shyǵyp toqtatý degen ne ádet? О́kinishtisi ondaı ádet qyzyljarlyq polısııa qyz­metkerlerinde de bar eken. «Bularyń ne, osyndaı qyzmette istep, abyroıly bolyp júrgenderiń elimiz táýelsizdiginiń sımvoly – Astananyń arqasynda emes pe deseń, «Vashı nashıh toje ostanovlıvaıýt», dep qoldaryn silteıdi. Buǵan ne deısiń? Pat­rıottyq sezim emes, «vashı, nashı» degen bólinis bastaryna sińirilip qalǵan sekildi. Demek, ishki ister qyzmetinde dál baıaǵydaı saıası sabaqtar bolmasa da tártip, ádep sabaqtary, patrıottyq sharalar jıi ótip turýy kerek ekeni anyq baıqalady. Jaqsybaı SAMRAT, «Egemen Qazaqstan». Aqmola oblysy.